រាជធានីភ្នំពេញ ៖ យោងតាមលោក កេត សុផាន់ អ្នកនាំពាក្យការបរទេស និងសហប្រតិបត្តិការអន្តរជាតិបានថ្លែងប្រាប់អ្នកសារព័ត៌មានថា ថ្ងៃទី២០ ខែវិច្ឆិកា ឆ្នាំ២០១៨នេះ…
រាជធានីភ្នំពេញ ៖ យោងតាមលោក កេត សុផាន់ អ្នកនាំពាក្យការបរទេស និងសហប្រតិបត្តិការអន្តរជាតិបានថ្លែងប្រាប់អ្នកសារព័ត៌មានថា ថ្ងៃទី២០ ខែវិច្ឆិកា ឆ្នាំ២០១៨នេះ លោក ឧបនាយករដ្ឋមន្ត្រី ប្រាក់ សុខុន បានទទួលជួបគណៈប្រតិភូប្រទេសស៊ែប (Serbia) ដឹកនាំដោយឯកឧត្តម Nebojsa Stevanovic រដ្ឋលេខាធិការក្រសួងការបរទេសស៊ែបនៅទៅស្តីការក្រសួងការបរទេសក្នុងគោលដាក់លិខិតជូនសម្តេចតេជោអញ្ជើញបំពេញទស្សនកិច្ចនៅប្រទេសស៊ែបប៊ី ដើម្បីបង្កើតទំនាក់ទំនងការទូតឡើងវិញ ។
លោកអ្នកនាំពាក្យក្រសួងការបរទេសបានលើកឡើងបន្ទាប់ពីជំនួបថា ពេលពិភាក្សាគ្នានេះលោកឧបនាយករដ្ឋមន្ត្រី ប្រាក់ សុខុន បានរំលឹកពីភាពជោគជ័យនៃការរៀបចំពីគ្រោះយោបល់នៃក្រសួងការបរទេសនៃប្រទេសទាំងពីរ (កម្ពុជា-ស៊ែបប៊ី) លើកទី២ និងបានជួបជាមួយរដ្ឋមន្ត្រីការបរទេសសែបប៊ី កាលពីប្រជុំនៅអង្គការសហប្រជាជាតិ ។ លោកឧបនាយករដ្ឋមន្ត្រីគ្រោងបំពេញទស្សនកិច្ចនៅប្រទេសស៊ែបប៊ីក្នុងគោលបំណងរឹតចំណងការទូតទ្វេភាគី ។
លោកឧបនាយករដ្ឋមន្ត្រីបានថ្លែងកម្ពុជានឹងបញ្ជូនមន្ត្រីការទូតពីររូបទៅកាន់ទីក្រុងបែក្រាតដើម្បីនឹងបន្តឡើងវិញនូវទំនាក់ទំនងការទូតនៃប្រទេសទាំងពីរ ។ ចំពោះបញ្ហាកូសាវ៉ូនេះកម្ពុជាមានជំហរដល់ច្បាស់លាស់ណាស់ចំពោះការបំបែករដ្ឋ និងមិនទទួលស្គាល់ការប្រកាសឯករាជ្យនៃផ្នែកណាមួយរបស់ប្រទេសអធិបតេយ្យនោះឡើយ ។ លោកថា«កម្ពុជាតែងតែបោះឆ្នោតប្រឆាំងចំពោះកូសាវ៉ូចង់ក្លាយជាសមាជិកនៃអង្គការអន្តរជាតិផ្សេងៗ» ។ លោកឧបនាយករដ្ឋមន្ត្រីបានលើកឡើងថា នៅពេលថ្មីៗនេះកូសាវ៉ូចង់ក្លាយជាសមាជិកអង្គការអន្តរជាតិផ្សេងៗ ។ ឆាប់ៗនេះនឹងមានការប្រជុំអាំងទែប៉ូលដែលកម្ពុជាមិនគាំទ្រទេ ។ ភាគីទាំងពីរនឹងមានដំណើរទេស្សនកិច្ចផ្លូវការរបស់សម្តេចតេជោហ៊ុន សែន និងលោកឧបនាយករដ្ឋមន្ត្រីនៅប្រទេសស៊ែបប៊ី ក្នុងឆ្នាំ២០១៩ខាងមុខ ។
លោករដ្ឋលេខាធិការស៊ែបប៊ីបានថ្លែងថា ប្រទេសស៊ែបប៊ីមានទំនាក់ទំនងល្អខាងនយោបាយជាមួយប្រទេសកម្ពុជា ហើយលោកអរគុណដល់ប្រទេសកម្ពុជាដែលបានជួយពេលដែលប្រទេសស៊ែបប៊ីជួបការលំបាកក្នុងទសវត្សទី៨០ និងបានបញ្ជាក់ថា កម្ពុជាតែងតែមានគោលជំហរច្បាស់លាសពីបញ្ហាកូសាវ៉ូ ៕
ចែករំលែកព័តមាននេះ