ប្រធានផ្សារ…ជាមន្ត្រីកាន់អំណាចមួយបំរើផ្ទាល់ចំពោះមហាជនគ្រប់មជ្ឈដ្ឋាន…ទាំងអ្នកប្រកបរបរលក់ដូរ…ទាំងអ្នកចេញចូលទីផ្សារ ។
ប្រធានទីផ្សារល្អ…គ្រប់គ្រងដឹកនាំល្អ…ទីផ្សារក៏ល្អស្អាត ការអភិវឌ្ឍក៏ឆាប់រីកចំរើន…អ្នកលក់ដូរក៏រីក
រាយ…មុខមាត់បក្សកាន់អំណាចក៏មានប្រជាប្រិយ…បោះឆ្នោតឱ្យកាន់អំណាចគ្រប់អាណត្តិមិនស្តាយក្រោយ។
ប៉ុន្តែទីផ្សារធំ-តូចបច្ចុប្បន្ន…ប្រធានខ្លះចាត់ទុកទីផ្សារជាកន្លែងខ្លាញ់…អ្នករកស៊ីលក់ដូរពីតូចដល់ធំត្រូវគោរពកោតខ្លាចអញ…អំណាចណាស់ចង្អុលឆ្វេង…ឆ្វេង ! អង្អុលស្តាំ…ស្តាំ ! ដើរជាន់ផ្សារផ្អៀង…ទារដាក់ខែប៉ុន្មានគឺប៉ុណ្ណឹង…យកលេសការពារសន្តិសុខ…យប់ឡើងចោរចូលគាស់…លួចយកអស់ក៏អញមិនដឹងដែរ…េ
ហ ! េហ !
ប្រធានផ្សារខ្លះ…កាចពីកំណើតក៏មិនដឹង…មុខមិនដែលញញឹម…សូម្បីសន្តិសុខនៅជុំវិញក៏ខ្លាចបះសក់…ចុះទម្រាំអាជីវករលក់ដូរ ? ប៉ុន្តែបើរឿងប្រមូលសុំខ្លាច…ត្រឹមស្រាបៀរមួយកេស-វ៉ៃដាច់ម្នាក់ទាំងព្រឹកក៏មានដែរ…ព្រោះគ្រាន់តែពោះធំប៉ុនធុងកៅស៊ូ ។
មានប្រធានផ្សារខ្លះទៀត…ទាស់គ្នាបែកផ្សែងក្នុងផ្សារទាំងព្រឹកក៏មានដែរ…អាជីវករផ្សារម្នាក់ៗខ្លះអត់ហ៊ានទាស់ទេ…គ្មានអ្នកណាទាស់ទៅទាស់ជាមួយអ្នកចេញចូលផ្សារ…ឃើញអាក្រក់មើល អាក្រក់ស្តាប់ណាស់ ។ ទំនាស់ព្រោះតែបន្តិចបន្តួចមិនចេះអត់ឱនយោគយល់…មិនចេះអធ្យាស្រ័យ…ព្រោះតែអំណាចផ្តាច់ការពេក…គ្មានអ្នកណាធំជាងអញនៅទីនេះ ។
ទីផ្សារមួយៗសន្មត់ជាកន្លែងខ្លាញ់…ខ្លាញ់នោះខ្លាញ់មែនទែន ! ខ្លាញ់រអិល…បើពោះស្វិតក៏ក្បាលពោះដុះខ្លាញ់ដែរ…ម្ល៉ោះហើយបើលោកប្រធានផ្សារមានខ្នងទៀត…ចាប់ពីពេលនេះតទៅ…គ្មានអ្នកណាប្រដៅព្រះអង្គបានឡើយ…អំណាចធំ…េហ ! េហ !
ចែករំលែកព័តមាននេះ