ខេត្តកំពត ៖ សេចក្តីរាយការណ៍បឋមឱ្យដឹងថា កាលពីវេលាម៉ោង៦ និង១០នាទីយប់ ថ្ងៃទី១៩ វិច្ឆិកា
មានករណីបាញ់បោះយ៉ាងអនាធិបតេយ្យមួយ ស្ថិតក្នុងខារ៉ាអូខេមួយកន្លែងយីហោ «រ៉ូយ៉ាល់កំពត» ភូមិទ្វីខាងជើង សង្កាត់អណ្តូងខ្មែរ ក្រុងកំពត ខេត្តកំពត ។
សេចក្តីរាយការណ៍បន្តថា ជនបង្កមានគ្នា៦នាក់ សុទ្ធតែប្រុសមិនទាន់ស្គាល់អត្តសញ្ញាណ ដោយជិះម៉ូតូ៤គ្រឿង ១គ្រឿងម៉ូតូម៉ាកហុងដាឌ្រីម ពាក់ស្លាកលេខកំពត 1J-5257 ។ ២-ម៉ូតូម៉ាក Today គ្មានស្លាកលេខពណ៌ទឹកខ្មៅ ។ ៣-ម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខភ្នំពេញ 1AP-7923 និង៤-ម៉ូតូ
កូនទា ពណ៌ទឹកប្រាក់មួយគ្រឿង ។
សមត្ថកិច្ចបានឱ្យដឹងថា នៅវេលាម៉ោងខាងលើ បុរស៤នាក់ក្នុងនោះ មានឯកសណ្ឋានសុីវិលបានចេញពីច្រៀងខារ៉ាអូខេ «រ៉ូយ៉ាល់កំពត» ស្រាប់តែពួកគេផ្ទុះអាវុធខ្លី១គ្រាប់ឡើងលើ ហើយនាំគ្នាជិះម៉ូតូគេចចេញបាត់ និងបន្សល់ទុកសំបកគ្រាប់១គ្រាប់ ។
សមត្តកិច្ចបន្តថា ពេលក្រុមជនអនាធិបតេយ្យបាញ់នៅមុខហាងខារ៉ាអូខេ១គ្រាប់ហើយ ពួកគេបានជិះម៉ូតូទៅបាញ់រះ នៅលើស្ពានព្រែកកំពង់បាយ ជិតការ៉ាអូខេរ៉ូយាល់នោះចំនួន២គ្រាប់ទៀត ។ ក្រោយកើតមានសកម្មភាពបាញើបោះសេរីនោះ កម្លាំងសមត្ថកិច្ចបានចុះទៅស្រាវជ្រាវ ជាបន្ទាន់រហូតកំណត់បានអត្តសញ្ញាណជនពាលនោះអស់ហើយ ។
ប្រភពបន្តថា រហូតដល់ព្រឹកថ្ងៃទី២០ វិច្ឆិកា នេះ ទើបឃាត់ខ្លួនបន្តបន្ទាប់បាន៣នាក់ ១-ឈ្មោះ ហេង ចិន្តា ហៅ ចិន ភេទប្រុស ៣៣ឆ្នាំ នៅភូមិអណ្តូងខ្មែរ សង្កាត់អណ្តូងខ្មែរ ក្រុងកំពត រឹបអូសអាវុធខ្លី ម៉ាកឡុក១ដើម លេខLL T620 បង់១ ជាជនដៃដល់ ហើយជននេះមានអត្តសញ្ញាណបណ្ណ័ទាហាន និងប័ណ្ណសំគាល់អាវុធសមូហភាព ។ ២-ឈ្មោះ លាង សំបូរ ហៅម៉ាប់ ភេទ ប្រុស អាយុ៣១ឆ្នាំ មានទីលំនៅភូមិ អណ្តូងខ្មែរ សង្កាត់អណ្តូងខ្មែរ ក្រុងកំពត ខេត្តកំពត (គូកនផឹកស៊ីជាមួយ) ។ និង៣-ប៊ូ សុភា ហៅ ម៉ៅ ភេទប្រុស អាយុ៣៣ឆ្នាំ នៅភូមិតាដឹប សង្កាត់អណ្តូងខ្មែរ ក្រុងកំពត (គូកនផឹកស៊ីជាមួយ) ។
ជនសង្ស័យត្រូវបានសមត្តកិច្ចកំពុងធ្វើការសាកសួរ ដើម្បីកសាងសំណុំរឿងបញ្ជូនទៅកាន់សាលាដំបូងខេត្តតាមនីតិវិធី ។
ចែករំលែកព័តមាននេះ