ម្ចាស់តូបនិយាយលែងចេញ…ឆេះអស់រលីង
- បាត់ដំបង
ខេត្តបាត់ដំបង ៖ សមត្ថកិច្ចបានឱ្យដឹងថា អគ្គិភ័យបានឆេះតូបលក់ចាប់ហួយមួយកន្លែង កាលពីវេលាម៉ោងជិត១រំលងអធ្រាត្រ ឈានចូលថ្ងៃទី២០ វិច្ឆិកា នៅចំណុចក្រុម១០ ភូមិជ្រៃជើង ឃុំជ្រៃ…
ខេត្តបាត់ដំបង ៖ សមត្ថកិច្ចបានឱ្យដឹងថា អគ្គិភ័យបានឆេះតូបលក់ចាប់ហួយមួយកន្លែង កាលពីវេលាម៉ោងជិត១រំលងអធ្រាត្រ ឈានចូលថ្ងៃទី២០ វិច្ឆិកា នៅចំណុចក្រុម១០ ភូមិជ្រៃជើង ឃុំជ្រៃ…
ខេត្តបាត់ដំបង ៖ សមត្ថកិច្ចបានឱ្យដឹងថា អគ្គិភ័យបានឆេះតូបលក់ចាប់ហួយមួយកន្លែង កាលពីវេលាម៉ោងជិត១រំលងអធ្រាត្រ ឈានចូលថ្ងៃទី២០ វិច្ឆិកា នៅចំណុចក្រុម១០ ភូមិជ្រៃជើង ឃុំជ្រៃ ស្រុកមោងឫស្សី ដែលគេសង្ស័យបណ្ដាលមកពីការទុស្សេខ្សែភ្លើង។
សមត្ថកិច្ចឱ្យដឹងទៀតថា ម្ចាស់តូបនោះ ឈ្មោះមុត រស្មី ភេទស្រី អាយុ២៨ឆ្នាំ មុខរបរលក់ដូរ រស់នៅភូមិ-ឃំុកើតហេតុខាងលើ ។ អគ្គិភ័យនេះ បានកើតឡើងនៅពេលម្ចាស់តូបសម្រាន្តលក់ ហើយបានភ្ញាក់ផ្អើលពេលដែលអគ្គិភ័យកំពុងឆាបឆេះស្ទើរពេញតូបទៅហើយ។
នៅក្នុងរបាយការណ៍របស់សមត្ថកិច្ចស្ដីពីការខូចខាត ដែលម្ចាស់តូបបានរៀបរាប់ គឺមានស្រាបៀរ៥០កេស, ទឹកផ្លែឈើ១០កេស, ប្រេងសាំង២ប៊ីដុងស្មើ៧០លីត្រ, បារី៣០សុង, មី៣កេស, គ្រឿងកាឡៃ និងគ្រឿងក្រអូបមួយចំនួន, ទូទឹកកក រួមនិងសម្ភារះមួយចំនួនទៀត ដែលសរុបជាទឹកប្រាក់ប្រមាណ៣.៨៥០ដុល្លារ ។
គេមិនទាន់ដឹងអំពីមូលហេតុជាក់លាក់ ដែលនាំឱ្យកើតមានអគ្គិភ័យនេះនៅឡើយទេ ។ ប៉ុន្តែបើតាមការស្រង់សំដីពីម្ចាស់តូបបានប្រាប់សមត្ថកិច្ចថា អគ្គិភ័យនោះ ទំនងអាចបណ្តាលមកពីទុស្សេខ្សែភ្លើង ដែលខ្លួនបានតរញ៉េរញ៉ៃនៅក្នុងតូប។
ទោះជាយ៉ាងណា អគ្គិភ័យនេះ មិនបង្កគ្រោះថ្នាក់ដល់មនុស្សទេ គឺខូចខាតតែទំនិញនិងសម្ភារមួយចំនួននៅក្នុងតូប ។
ចែករំលែកព័តមាននេះ