រាជធានីភ្នំពេញ ៖ បុរសជាឪពុកចុងម្នាក់ ត្រូវបានប្រពន្ធប្តឹងសមត្ថកិច្ចឱ្យចាប់ខ្លួនកាលពីម៉ោង៩ព្រឹក ថ្ងៃទី១៨ ខែវិច្ឆិកា ឆ្នាំ២០១៨ នៅផ្ទះជួលគ្មានលេខ ស្ថិតក្នុងភូមិក្រោលគោ សង្កាត់គីឡូម៉ែត្រលេខ៦…
រាជធានីភ្នំពេញ ៖ បុរសជាឪពុកចុងម្នាក់ ត្រូវបានប្រពន្ធប្តឹងសមត្ថកិច្ចឱ្យចាប់ខ្លួនកាលពីម៉ោង៩ព្រឹក ថ្ងៃទី១៨ ខែវិច្ឆិកា ឆ្នាំ២០១៨ នៅផ្ទះជួលគ្មានលេខ ស្ថិតក្នុងភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ បន្ទាប់ពីធ្វើសកម្មភាពចាប់រំលោភកូនប្តីមុនអាយុ៥ឆ្នាំជាបន្តបន្ទាប់ចំនួន៤លើក។
បុរសខាងលើនោះឈ្មោះ ឯក វ៉ាន់ដូច ហៅរ៉ា អាយុ២៨ឆ្នាំ មុខរបរកម្មករស្នាក់នៅផ្ទះជួលគ្មានលេខ ផ្លូវបេតុង ក្រុម១៣ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ ។ ចំណែកកុមារីរងគ្រោះអាយុ៥ឆ្នាំ ។
តាមនគរបាលបានឱ្យដឹងថា ជនសង្ស័យត្រូវកម្លាំងនគរបាលស្រាវជ្រាវឃាត់ខ្លួន បន្ទាប់ពីស្ត្រីជាម្តាយកុមារីរងគ្រោះ អាយុ៣៨ឆ្នាំ មុខរបរកម្មការិនីកាត់ដេរ បានដាក់ពាក្យប្តឹងសមត្ថកិច្ច ក្រោយពេលដឹងរឿងថា បុរសជាប្តីបានចាប់រំលោភកូនស្រីរបស់គាត់ (ដែលត្រូវជាស្រីរបស់ប្តីមុន) សម្រេចរហូតដល់ទៅ៤លើកបន្តបន្ទាប់តាំងពីអំឡុងខែកក្កដា ២០១៨។
នគរបាលបានបន្តទៀតថា ហើយលើកចុងក្រោយនៅពេលថ្មីនេះដែលបានចាប់រំលោភក្មេងស្រីរងគ្រោះទៀត ដោយក្មេងស្រីរងគ្រោះមានអាការៈឈឺចាប់ នាងក៏បានប្រាប់ម្តាយ ក្រោយពីដឹងភ្លាមម្តាយក្មេងស្រីរងគ្រោះបានទៅដាក់ពាក្យបណ្តឹងនៅព្រឹកថ្ងៃទី១៨ វិច្ឆិកានេះ ដើម្បីចុះទៅឃាត់ខ្លួនបុរសជាឪពុកចុងនេះតែម្តង ៕
ចែករំលែកព័តមាននេះ