រាជធានីភ្នំពេញ ៖ បុរសម្នាក់បានដើរស្វែងរកក្មួយ ដែលជាកម្មកររោងចក្រនិងស្នាក់ក្នុងផ្ទះជួល ប៉ុន្តែដោយសារតែកន្លងមក គាត់ធ្លាប់បានទៅលេងក្មួយម្ដងពេលយប់ទើបចំណាំបន្ទប់ក្មួយស្នាក់មិនបាន បន្ទាប់មកគាត់បានដើរអើតមើលគ្រប់បន្ទប់ ដែលជាហេតុធ្វើឱ្យប្រជាពលរដ្ឋសង្ស័យ ក៏បាននាំគ្នាឡោមព័ទ្ធនិងសួរ នាំ…
រាជធានីភ្នំពេញ ៖ បុរសម្នាក់បានដើរស្វែងរកក្មួយ ដែលជាកម្មកររោងចក្រនិងស្នាក់ក្នុងផ្ទះជួល ប៉ុន្តែដោយសារតែកន្លងមក គាត់ធ្លាប់បានទៅលេងក្មួយម្ដងពេលយប់ទើបចំណាំបន្ទប់ក្មួយស្នាក់មិនបាន បន្ទាប់មកគាត់បានដើរអើតមើលគ្រប់បន្ទប់ ដែលជាហេតុធ្វើឱ្យប្រជាពលរដ្ឋសង្ស័យ ក៏បាននាំគ្នាឡោមព័ទ្ធនិងសួរ
នាំ ព្រោះកន្លងមក នៅប្លុកផ្ទះជួលនោះ មានចោរគាស់បន្ទប់លួចយកទ្រព្យសម្បត្តិជាបន្តបន្ទាប់ ទើបមានការសង្ស័យថា បុរសនោះគឺជាចោរគាស់បន្ទប់ ។
ដោយសារឃើញប្រជាពលរដ្ឋច្រើននិងស្រែកសម្លុតខ្លាំងផង ធ្វើឱ្យគាត់ឆ្លើយរដិបរដុប រឹតតែមានការសង្ស័យកាន់តែខ្លាំង ក៏ត្រូវពលរដ្ឋបានឃាត់ខ្លួនប្រគល់ជូននគរបាលតែម្ដង ។ ហេតុការណ៍នេះ បានកើតឡើង កាលពីវេលាម៉ោង៣រសៀលថ្ងៃទី១៩ វិច្ឆិកា ស្ថិតនៅចំណុចផ្ទះជួល ក្នុងក្នុងភូមិព្រៃល្វា សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នពេញ។
បុរសខាងលើ ឈ្មោះចាន់ ធឿន អាយុ៣៦ឆ្នាំ ស្នាក់នៅផ្ទះជួលក្នុងភូមិត្រពាំងថ្លឹង១ សង្កាត់ចោមចៅ១ ខណ្ឌពោធិសែនជ័យ និងមានស្រុកកំណើត នៅក្នុងភូមិវាលចាស់ ឃុំសាគ្រាម ស្រុកប្រសាទបាល័ង្ក ខេត្តកំពង់ធំ ។ក្រោយពេលឃាត់ខ្លួន បុរសខាងលើនោះប្រាប់ឲ្យនគរបាលដឹងថា គាត់បានទៅស្វែងរកក្មួយដែលស្នាក់នៅផ្ទះជួលខាងលើ ប៉ុន្តែទៅពេលយប់ ទើបចំណាំមិនបានថាក្មួយស្នាក់នៅក្នុងបន្ទប់មួយណា ។
នគរបាលឱ្យដឹងទៀតថា បន្ទាប់ពីនាំទៅសាកសួរនិងស្រាវជ្រាវ ហើយរកមិនឃើញភស្តុតាងអ្វីដែលអាចចោទប្រកាន់ទៅលើបុរសនេះ ក្រោយពីការអប់រំនិងធ្វើកិច្ចសន្យារួច ក៏បានដោះលែងវិញ ។
https://www.youtube.com/watch?v=tkKNTjv3xxA
ចែករំលែកព័តមាននេះ