រាជធានីភ្នំពេញ ៖ ឆ្នាំ 2018 នេះគឺជាឆ្នាំទី១២ហើយ ដែលក្រុមហ៊ុនលក់រថយន្តហ្វដ បាននាំអតិថិជន
របស់ខ្លួន ធ្វើដំណើរកម្សាន្តផ្សងព្រេងទៅកាន់តំបន់រមណីយដ្ឋាននានា ក្នុងនិងក្រៅប្រទេស ដើម្បីឲ្យអតិថិជនដែលប្រើប្រាស់រថយន្តហ្វដ បានសាកល្បងទទួលបទពិសោធន៍បើកបររថយន្តរបស់ខ្លួនលើរយៈចំងាយផ្លូវឆ្ងាយៗ និងដើម្បីបង្កើនភាពស្និទ្ធស្នាលរវាងអតិថិជនហ្វដគ្រប់ៗគ្នា ។
ជាក់ស្តែងសម្រាប់ឆ្នាំ ២០១៨នេះ ក្រុមហ៊ុនហ្វដនឹងនាំអតិថិជនរបស់ខ្លួនទៅកាន់ទឹកដីខេត្តកោះកុងប្រទេសកម្ពុជា ទឹកដីខេត្តត្រាត និងខេត្តច័ន្ទបុរីប្រទេសថៃរយៈពេល៣យប់ ៤ថ្ងៃ ក្នុងគោលបំណងដូចបណ្តាឆ្នាំមុនៗដែរ ក៏ប៉ុន្តែអតិថិជននឹងទទួលនូវអ្វីដែលប្លែកជាមួយនឹងក្បួនរថយន្តច្រើនជាងមុន គឺ
ប្រមាណ១០០គ្រឿង និងមានអ្នកចូលរួមប្រមាណ៥០០នាក់ផងដែរ ។
ថ្លែងក្នុងសន្និសីទសារព័ត៌មានមួយកាលពីថ្ងៃទី១៩ វិច្ឆិកា ២០១៨ នៅអគារតាំងបង្ហាញរថយន្តហ្វដផ្លូវព្រះមុនីវង្ស លោក ងន សាំង អគ្គនាយកក្រុមហ៊ុន RMA Cambodia ឲ្យដឹងថា ដំណើរកំសាន្តផ្សងព្រេង ឬហៅថា FORD Adventure ឆ្នាំ២០១៨នេះ មានភាពអស្ចារ្យជាងឆ្នាំមុនៗ ដោយសារក្បួនរថយន្ត FORD ជាង១០០គ្រឿងធ្វើដំណើរឆ្លងកាត់ទឹកដីខេត្តកោះកុង ហើយឆ្ពោះទៅទឹកដីខេត្តត្រាត និងខេត្តច័ន្ទបុរីប្រទេសថៃ ដែលធ្វើអោយអតិថជនFORD ទទួលបានបទពិសោធន៍ក្នុងការបើកបរ និងទស្សនាតំបន់ទេសចរណ៍នៅលើទឹកដីប្រទេសកម្ពុជាយើង និងប្រទេសថៃផងដែរ ។
លោក ងន សាំង បានថ្លែងអំណរគុណ ចំពោះបណ្តាក្រុមហ៊ុនឧបត្ថម្ភទាំងអស់ ដែលបានជួយគាំទ្រដល់ដំណើរការនៃកម្មវិធីដំណើរកំសាន្ត FORD Adventure ឆ្នាំ២០១៨នេះ ។ លោករំពឹងថា ដំណើរកម្សាន្តឆ្នាំនេះនឹងកាន់តែធ្វើឱ្យអ្នកចូលរួមរីករាយ កាន់តែខ្លាំងជាងឆ្នាំមុនៗថែមទៀត ។
លោក Bernardo ESEO តំណាងក្រុមហ៊ុន TOTAL Cambodge ដែលជាក្រុមហ៊ុនឧបត្ថម្ភដល់ដំណើរកម្សាន្តនេះ បានមានប្រសាសន៍ថា នេះគឺជាលើកទី 11 ហើយសម្រាប់ក្រុមហ៊ុន Total Cambodge ដែលជាអ្នកឧបត្ថម្ភធំនៅក្នុងព្រឹត្តិការណ៍នេះ ។ យើងនឹងបញ្ជូនតំណាងរបស់ក្រុមហ៊ុន Total Cambodge ដើម្បីផ្តល់ព័ត៌មានស្តីពីយុទ្ធនាការបើកបរដោយសុវត្ថភាពក្នុងអំឡុងសន្និសីទកាសែតក្នុងថ្ងៃនេះដល់អ្នកចូលរួមក្នុងដំណើរកម្សាន្ត Ford Adventure ។
លោក Ong Kee Kong, អ្នកគ្រប់គ្រងអាជីវកម្ម នៃក្រុមហ៊ុន Cambrew and Angkor Beverage Co., Ltdដែលជាក្រុមហ៊ុនឧបត្ថម្ភក្នុងដំណើរកម្សាន្តមួយផងដែរនោះ បានអោយដឹងថា ក្រុមហ៊ុន Cambrew and Angkor Beverage ដែលជាដៃគូដ៏រឹងមាំរបស់ក្រុមហ៊ុន RMA មានមោទនភាពដែលបានក្លាយជាអ្នកឧបត្ថម្ភភេសជ្ជៈសម្រាប់ព្រឹត្តិការណ៍ដ៏អស្ចារ្យនេះ ។ លោកសង្ឃឹមថាអ្នកចូលរួមទាំងអស់នឹងមានភាពស្រស់ថ្លាកំឡុងពេលធ្វើដំណើរជាមួយនឹងភេសជ្ជៈចំរុះរបស់ខ្លួន ។
ដំណើរកម្សាន្តនេះ បានធ្វើឡើងជារៀងរាល់ឆ្នាំ ក្នុងនោះកាលពីឆ្នាំ២០០៧ ទៅខេត្តមណ្ឌលគិរី, ឆ្នាំ២០០៨ ទៅកាន់ខេត្តរតនគិរី, ឆ្នាំ២០០៩ ទៅកាន់ខេត្តប៉ៃលិន, ឆ្នាំ២០១០ និងឆ្នាំ២០១១ ទៅកាន់ទឹកដីខេត្តចម្ប៉ាសាក់ ប្រទេសឡាវឆ្នាំ២០១២ ទៅកាន់ខេត្តមណ្ឌលគិរី ឆ្នាំ២០១៣ក៏បានទៅទឹកដីប្រទេសឡាវម្តងទៀត ឆ្នាំ២០១៤ ទៅកាន់ខេត្តត្រាត ប្រទេសថៃ ឆ្នាំ២០១៥ ទៅកាន់ខេត្តច័ន្ទបុរី ប្រទេសថៃ ឆ្នាំ២០១៦ ទៅកាន់ខេត្តបុរីរាម និងឆ្នាំ២០១៧ ទៅកាន់ទីក្រុងប៉ាតាយ៉ា ប្រទេសថៃដោយមានចំនួនអ្នកចូលរួមកើនឡើងជាបន្តបន្ទាប់ ៕ ដោយសហការ
ចែករំលែកព័តមាននេះ