រាជធានីភ្នំពេញ ៖ សម្តេចតេជោ ហ៊ុន សែន បានប្រកាសលើកទឹកចិត្តដល់សណ្ឋាគារណាដែលប្រើប្រាស់ផលិតផលដែលផលិតក្នុងស្រុក ក្នុងការទាក់ទាញភ្ញៀវ ។ នេះបើតាមលោករដ្ឋមន្ត្រីក្រសួងព័ត៌មាន ។…
រាជធានីភ្នំពេញ ៖ សម្តេចតេជោ ហ៊ុន សែន បានប្រកាសលើកទឹកចិត្តដល់សណ្ឋាគារណាដែលប្រើប្រាស់ផលិតផលដែលផលិតក្នុងស្រុក ក្នុងការទាក់ទាញភ្ញៀវ ។ នេះបើតាមលោករដ្ឋមន្ត្រីក្រសួងព័ត៌មាន ។
លោក ខៀវ កាញារីទ្ធ រដ្ឋមន្ត្រីក្រសួងព័ត៌មានបានលើកឡើងនៅថ្ងៃទី១៩ វិច្ឆិកានេះថា «នៅក្នុងវិស័យសណ្ឋាគារណាដែលប្រើផលិតផលក្នុងស្រុកច្រើនត្រូវឲ្យតម្លៃច្រើនទៅសណ្ឋាគារនោះ – សម្តេចតេជោ ហ៊ុន សែន ក្នុងសម័យប្រជុំគណរដ្ឋមន្ត្រីនាថ្ងៃទី១៩ វិច្ឆិកា ២០១៨» ។
ចំណែក លោក ផៃស៊ីផាន អ្នកនាំពាក្យរាជរដ្ខាភិបាលបានលើកឡើងលើបណ្តាញសង្គមថា អនុសាសន៍របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានលើកឡើងនៅក្នុងកិច្ចប្រជុំពេញអង្គគណៈរដ្ឋមន្ត្រីថា«យើងត្រូវរួបរួមទាំងអស់គ្នា ក្នុងកិច្ចបង្វែរឬផ្ទេរមុខរបរគេចេញពីមុខរបរចាស់ដូចជា កាប់ឈើ បាញ់សត្វ ធ្វើធ្យូង ជាដើម ឱ្យក្លាយជាការប្រកបមុខរបរផ្សេង ក្នុងវិសាលភាពនៃទស្សនាចរធម្មជាតិ» ។
សម្តេចបានលើកអនុសាសន៍ដល់ក្រសួងសេដ្ឋកិច្ច និងហិរញ្ញវត្ថុ និងស្ថាប័នធនាគាររៀបចំក ម្មវិធីឥណទាន ជួយលើកទឹកចិត្តដល់ប្រជាពលរដ្ឋ បង្កើតមុខរបរពាក់ព័ន្ធថ្មីនេះ រាប់ទាំង S.M.E ផងដែរ ។ យន្តការអំពាវនាវឲ្យយកចិត្តទុកដាក់នាំចេញនៅនឹងកន្លែងសម្រាប់ប្រជាពលរដ្ឋផលិតនូវផលិតផល ដើម្បីផ្តល់ដល់សណ្ឋាគារ ឬទីផ្សារ ក្នុងកិច្ចទ្រទ្រង់វិស័យទេសចរណ៍ (ក្រសួងកសិកម្មត្រូវនាំមុខ) ។ កុំឱ្យកម្ពុជាជាទីកន្លែងជំរកភេរវកម្មឱ្យសោះ កម្លាំងប្រដាប់អាវុធរបស់យើងត្រូវខិតខំធ្វើការនេះឱ្យបាន ៕
ចែករំលែកព័តមាននេះ