អ្នកទោសកើនឡើងជាង3ម៉ឺននាក់ ក្រសួងមហាផ្ទៃជ្រើសរើសមន្ត្រីអនុរក្សពន្ធនាគារបន្ថែម
- ភ្នំពេញ
រាជធានីភ្នំពេញ ៖ មន្ត្រីក្រសួងមហាផ្ទៃបានអះអាងថា ក្នុងរយៈពេលប៉ុន្មានឆ្នាំចុងក្រោយនេះ បន្ទាប់ពីយុទ្ធនាការបង្ក្រាបបទល្មើសគ្រឿងញៀនបានធ្វើឲ្យចំនួនអ្នកទោសកើនឡើងសរុបប្រមាណជាង៣ម៉ឺននាក់ដែលកំពុងឃុំខ្លួនក្នុងពន្ធនាគារ ខណៈពីមុនអ្នកទោសមានតែជាង១ម៉ឺននាក់ប៉ុណ្ណោះ គឺកើនឡើងទ្វេរដងដែលតម្រូវឲ្យក្រសួងមហាផ្ទៃប្រឡងជ្រើសរើសមន្ត្រីអនុរក្សពន្ធនាគារបន្ថែមក្នុងពេលនេះ ។ ក្នុងឱកាសកាត់វិញ្ញាសារដាក់ឲ្យដំណើរការប្រឡងជ្រើសរើសមន្ត្រីអនុរក្សពន្ធនាគារក្របខណ្ឌក្រសូងមហាផ្ទៃនៅមណ្ឌលប្រឡងវិទ្យាល័យ ជា…
ក្នុងឱកាសកាត់វិញ្ញាសារដាក់ឲ្យដំណើរការប្រឡងជ្រើសរើសមន្ត្រីអនុរក្សពន្ធនាគារក្របខណ្ឌក្រសូងមហាផ្ទៃនៅមណ្ឌលប្រឡងវិទ្យាល័យ ជា ស៊ីម សន្ធរម៉ុក ស្ថិតនៅក្នុងសង្កាត់ទឹកល្អក់ទី១ ខណ្ឌទួលគោករាជធានីភ្នំពេញ ព្រឹកថ្ងៃទី១៨ ខែវិច្ឆិកា ឆ្នាំ២០១៨ លោក អ៊ួង ចន្ធី ប្រធាននាយកដ្ឋានបុគ្គលិកក្រសួងមហាផ្ទៃបានឲ្យដឹងថា ដោយសារចំនួនអ្នកទោសមានការកើនឡើងខ្លាំងគឺកើនឡើងទ្វេរដងបើប្រៀបធៀបទៅនឹងមុនយុទ្ធនាការបង្ក្រាបបទល្មើសគ្រឿងញៀនក្នុងរយៈពេលប៉ុន្មានឆ្នាំចុងក្រោយនេះទើបក្រសួងមហាផ្ទៃធ្វើការប្រឡងជ្រើសរើសមន្ត្រីអនុរក្សពន្ធនាគារបន្ថែម ។
ចាប់តាំងពីឆ្នាំ២០០២កន្លងមកមានការជ្រើសរើសដែរតែមានចំនួនតែពី៦០ទៅ៧០នាក់ប៉ុណ្ណោះ ប៉ុន្តែឆ្នាំនេះជ្រើសរើសរហូតដល់៦៥៣នាក់ ក្នុងនោះប្រឡងកាលពីខែមករា ដើមឆ្នាំ២០១៨នេះជ្រើសបានចំនួន៣៥០នាក់ និងប្រឡងក្នុងពេលនេះចំនួន៣០៣នាក់បន្ថែមទៀត ។
លោក អ៊ួង ចន្ធី បានឲ្យដឹងទៀតថា តាមការពិតកង្វះខាតទាំងអគារ និងអនុរក្សជាច្រើនកន្លែងនៅទូទាំងប្រទេស ប៉ុន្តែក្រសួងមហាផ្ទៃបានសម្រេចជ្រើសយកអនុរក្សពន្ធនាគារដើម្បីបំពេញបន្ថែមនៅទីតាំងដែលចាំបាច់មុនគេ ៕
ចែករំលែកព័តមាននេះ