ខេត្តស្វាយរៀង ៖ យ៉ាងហោចណាស់ចម្ការអំពៅស្កររបស់ក្រុមហ៊ុនអ៊ិសធើនរ៉ាយ៍ហ្វៀលឌីវេឡុបមេន ខូ អិលធីឌី ចំនួន១៣ហិកតាកន្លះ ត្រូវបានភ្លើងឆេះខ្លោច សង្ស័យថាមានអ្នកលួចដុត។ ករណីភ្លើងឆេះចម្ការអំពៅស្ករនេះបានកើតឡើងកាលពីវេលាម៉ោង១១និង៣០នាទីព្រឹកថ្ងៃទី១៧ ខែវិច្ឆិកា…
ខេត្តស្វាយរៀង ៖ យ៉ាងហោចណាស់ចម្ការអំពៅស្កររបស់ក្រុមហ៊ុនអ៊ិសធើនរ៉ាយ៍ហ្វៀលឌីវេឡុបមេន ខូ
អិលធីឌី ចំនួន១៣ហិកតាកន្លះ ត្រូវបានភ្លើងឆេះខ្លោច សង្ស័យថាមានអ្នកលួចដុត។
ករណីភ្លើងឆេះចម្ការអំពៅស្ករនេះបានកើតឡើងកាលពីវេលាម៉ោង១១និង៣០នាទីព្រឹកថ្ងៃទី១៧ ខែវិច្ឆិកា ឆ្នាំ២០១៨នេះ ស្ថិតក្នុងភូមិអូរតាមោ ឃុំមនោរម្យ ស្រុកស្វាយទាប។
បើតាមលោកកុយ សារ៉េន ម្ចាស់ក្រុមហ៊ុនដាំអំពៅស្ករបានឲ្យដឹងថា នៅវេលាកើតហេតុខាងលើ ក្រោយពីបានទទួលបានព័ត៌មានថាមានភ្លើងឆេះចម្ការអំពៅស្កររបស់ក្រុមហ៊ុនខងលើ ដោយមិនដឹងមូលហេតុនោះ លោកក៏បានរាយការណ៍មកកម្លាំងសមត្ថកិច្ចក្នុងមូលដ្ឋាន ដើម្បីឱ្យចុះមកជួយពន្លត់ជាមួយអ្នកយាមចម្ការ និងគ្រឿងចក្ររបស់ក្រុមហ៊ុន ជួយបាញ់ទឹកពន្លត់ភ្លើងកុំឲ្យឆេះរាលដាលទៅចម្ការផ្សេងៗទៀត ដោយប្រើពេលអស់៣ម៉ោងទើបរលត់ទាំងស្រុង។
ប្រភពបន្តទៀតថា បច្ចុប្បន្ននេះសមត្ថកិច្ចកំពុងធ្វើការស្រាវជ្រាវរកមូលហេតុពិតប្រាកដដើម្បីឱ្យដឹងថាជាករណីមានគេលួចដុត ឬក៏អាចឆេះបណ្តាលពីគ្រោះធម្មជាតិ។
លោកកុយ សារ៉េន បានបន្តទៀតថា កន្លងមក ក្រុមហ៊ុនក៏ដូចអាជ្ញាធរបានធ្វើការអំពាវនាវដល់ពលរដ្ឋ ដែលជាអ្នកស្រុកកុំឱ្យលែងគោក្របីឲ្យចូលទៅស៊ីបំផ្លាញដំណាំរបស់ក្រុមហ៊ុន ព្រោះក្រុមហ៊ុនព្រួយបារម្ភអំពៅធ្លាក់ថ្លៃផង ហើយត្រូវមានអ្នកលួចដុតទៀតដែលនាំឲ្យមានការព្រួយបារម្ភអំពីការខាតទុន ខណៈតម្លៃអំពៅស្ករធ្លាក់ចុះ ដោយទីផ្សារអាស៊ានមានការធ្លាក់ចុះនូវតម្លៃស្កសរ ធ្វើឲ្យវៀតណាមបញ្ចុះតម្លៃអំពៅស្ករដែរ ដោយទិញអំពៅធ្លាក់ថ្លៃជិតពាក់កណ្តាល។
លោកអះអាងថា នាពេលកន្លងមកប្រជាពលរដ្ឋធ្លាប់បានលែងគោក្របីឲ្យចូលស៊ីអំពៅអស់ជាច្រើនកន្លែង បណ្តាលឲ្យខូចគុណភាពស្ករអស់ជាច្រើនទៀត ។ រីឯប្រជាពលរដ្ឋខ្លះបានយក គោក្របីទៅឃ្វាលក្បែរចម្ការអំពៅ ហើយបណ្តោយឲ្យក្របីគោចូលស៊ីអំពៅ ឬស៊ីចុងអំពៅ (អ្នកខ្លះចូលលួចកាប់ស្លឹកអំពៅយកឲ្យគោក្របីស៊ី) បណ្តាលឲ្យខូចអំពៅនិងធ្លាក់គុណភាពអំពៅទៀតផង។
លោកកុយ សារ៉េន សំណូមពរដល់អាជ្ញាធរមេត្តាជួយអប់រំផ្សព្វផ្សាយដល់ប្រជាពលរដ្ឋកុំឲ្យលែងគោក្របីចូលស៊ីបំផ្លិចបំផ្លាញអំពៅ និងលួចកាប់ចុងអំពៅបន្តទៅទៀត។ជាក់ស្តែងដូចថ្ងៃនេះ អំពៅស្ករឆេះអស់ជាង១៣ហិកតាកន្លះធ្វើឲ្យខាតបង់ជាច្រើន ណាមួយជិតដល់រដូវប្រមូលផលអំពៅស្ករផង៕
ចែករំលែកព័តមាននេះ