ខេត្តត្បូងឃ្មុំ ៖ ក្មេងៗសិស្សសាលាបឋមសិក្សាទន្លេបិទ នៅឃុំទន្លេបិទ ស្រុកត្បូងឃ្មុំ ដែលបានពុលចំណីអាហារត្រូវបានបញ្ជូនមកសម្រាកព្យាបាលនៅមន្ទីរពេទ្យខេត្តកំពង់ចាមបានចេញត្រឡប់ទៅផ្ទះវិញអស់ហើយ និងមានសុខភាពជាធម្មតាវិញ ។
បើតាមការឲ្យដឹងពីលោកវេជ្ជបណ្ឌិត យិន ស៊ីណាត ប្រធានមន្ទីរពេទ្យខេត្តមានប្រសាសន៍ឲ្យដឹងនៅរសៀលថ្ងៃទី១៨ វិច្ឆិកា ២០១៨ ហើយសម្រាប់ថ្លៃសេវាវិញក៏ត្រូវបានលើកលែងដោយមិនយកកម្រៃថែមទៀតផង ។
សិស្សស្រី ឈ្មោះ រិន លីណា អាយុ១១ឆ្នាំ រៀនថ្នាក់ទី៥ «ក» នៅសាលាបឋមសិក្សាទន្លេបិទប្រាប់ថា
នៅព្រឹកថ្ងៃទី១៦ វិច្ឆិកានេះ មុនពេលម៉ោងចូលរៀននាងបានទិញបាយកាហ្វេ ស្វាយ និងទឹកសាមូរ៉ៃ អស់ចំនួន១៥០០រៀលហូប និងផឹក ។ ក្នុងនោះបាយបានទិញពីអ្នកគ្រូ អ៊ឹម នី រហូតដល់វេលាម៉ោងជាង៩ព្រឹកក៏មានអាការៈចុកពោះ ឈឺក្បាល រកក្អួត ហើយសិស្សផ្សេងៗទៀតជាច្រើននាក់ត្រូវបានគ្រូដឹកយកមកមណ្ឌលសុខភាពទន្លេបិទ និងបាននាំបន្តមកសង្គ្រោះនៅមន្ទីរពេទ្យខេត្តកំពង់ចាម ។ ក្រោយពីគ្រូពេទ្យបានបន្តោកសេរ៉ូមអស់២ប្លោក បានធូរស្រាលច្រើននៅពេលយប់ ។
អតីតសិស្សសលាបឋមសិក្សាទន្លេបិទ អ្នកស្រី ផាត សុខុន អាយុ៤៦ឆ្នាំ ប្រាប់ថា កូនរបស់គាត់រៀនថ្នាក់ទី៣ និងក្មួយ២នាក់ទៀតបានរៀននៅសាលាខាងលើ ក្រោយពីមានហេតុការណ៍ភ្ញាក់ផ្អើលថាមានសិស្សសាលាបានពុលចំណី ក្នុងសាលារៀនគាត់ក៏ប្រញាប់មកមើលកូនតូចរបស់គាត់ តែពុំអីនោះ
ទេ ចំណែកក្មួយរៀនថ្នាក់ទី៥បានពុល ក្រោយពីបានទិញបានយករបស់អ្នកគ្រូ អ៊ឹម នី ហូបបន្ទាប់មកបានក្អួតត្រូវបានបញ្ជូនមកសង្គ្រោះនៅមន្ទីរពេទ្យខេត្តកំពង់ចាម ។ ការពុលនេះសង្ស័យមកពីជ្រក់ត្រសក់ ដែលគេបាញ់ថ្នាំ ហើយមិនទាន់អស់ជាតិថ្នាំ ។ នៅព្រឹកថ្ងៃទី១៧ វិច្ឆិកា តាមបន្ទប់ថ្នាក់រៀនខ្លះមានសិស្សមករៀនតិចតួច ដោយខ្លាចបារម្ភត្រូវបានឪពុកម្តាយឲ្យមករៀននៅព្រឹកថ្ងៃចន្ទ ទី១៩ វិច្ឆិកានេះ ដើម្បីជៀសវាងខ្លាចពុលនោះ ។
លោក សួស សំណាង នាយកសាលារៀនបឋមសិក្សាទន្លេបិទប្រាប់ថា ក្រោយពីមានហេតុកាណ៍សិ
ស្សពុលចំណីអាហារនៅព្រឹកថ្ងៃទី១៦ វិច្ឆិកានេះ រហូតមកដល់ព្រឹកថ្ងៃទី១៧ វិច្ឆិកា ត្រូវបានកម្លាំងនាយកដ្ឋានអប់រំបានចុះមកដល់សាលា និងបានហៅគ្រូៗដែលលក់ដូរនៅក្នុងបរិវេណសាលាមកប្រជុំស្តាប់ការណែនាំឲ្យយកចិត្តទុកដាក់ក្នុងការថែទាំសុខភាពសិស្ស ចំណីអាហារណាដែលត្រូវលក់ និងចំណីអាហារណាដែលមិនត្រូវលក់ ។ ហើយក្រោយពីហេតុការណ៍នេះរូបលោកនឹងចុះពិនិត្យនៅតាមតូបលក់ដូរឲ្យបានរាល់ថ្ងៃ ប្រសិនណាបើឃើញការលក់ដូរដែលសង្ស័យមិនបានត្រឹមត្រូវនឹងប្រញាប់រាយការណ៍មកគណនេយភាពសង្គមដែល ស្ថិតនៅជិតបំផុត ឫការិយាល័យអប់រំស្រុក ដើម្បីមានវិធានការជាបន្ទាន់មិនឲ្យមានជាលើកទី២នោះទេ ។ ហើយអ្នកគ្រូ អ៊ឹម នី ដែលសមត្ថកិច្ចហៅទៅសួរនាំបានឲ្យត្រឡប់មកផ្ទះវិញហើយ នៅព្រឹកថ្ងៃទី១៧ វិច្ឆិកានេះ ។
លោកមាស មោរ៉ា ប្រធានកាំកុងត្រូលខេត្តត្បូងឃ្មុំ មានប្រសាសន៍ឲ្យដឹងដែរថា សម្រាប់សំណាកដែល
សង្ស័យបានបង្កឲ្យសិស្សពុលនោះត្រូវបានយកទៅពិនិត្យនៅមន្ទីរពិសោធន៍រាជធានីភ្នំពេញហើយ
លទ្ធផលនឹងដឹងច្បាស់នៅថ្ងៃទី១៩ វិច្ឆិកានេះ ២០១៨ ៕
ចែករំលែកព័តមាននេះ