ខេត្តបាត់ដំបង ៖ បើតាមសមត្ថកិច្ចបានរាយការណ៍បឋមឱ្យដឹងថា បុរសម្នាក់ត្រូវបានឃាត់ខ្លួន ក្រោយពីសង្ស័យថា បានវាយសម្លាប់មនុស្ស កាលពីវេលាម៉ោង១២និង៣០នាទីរសៀល ថ្ងៃទី១៨ វិច្ឆិកា ២០១៨…
ខេត្តបាត់ដំបង ៖ បើតាមសមត្ថកិច្ចបានរាយការណ៍បឋមឱ្យដឹងថា បុរសម្នាក់ត្រូវបានឃាត់ខ្លួន ក្រោយពីសង្ស័យថា បានវាយសម្លាប់មនុស្ស កាលពីវេលាម៉ោង១២និង៣០នាទីរសៀល ថ្ងៃទី១៨ វិច្ឆិកា ២០១៨ នៅត្រង់ចំណុចក្រុមទី១ ស្ថិតក្នុងភូមិអន្លង់វិល ឃុំអន្លង់វិល ស្រុកសង្កែ។
ជនសង្ស័យខាងលើនេះឈ្មោះ ភិន សុធា ហៅក្រត ភេទប្រុស អាយុ២៦ឆ្នាំ មុខរបរមិនពិតប្រាកដ រស់នៅភូមិស្វាយជ្រុំ ឃុំអូរដំបង២ ស្រុកសង្កែ។
បើតាមសមត្ថកិច្ចបានរាយការណ៍ឱ្យទៀតថា ជនសង្ស័យរូបនេះបានយកចបជីកដែកវាយទៅលើជីតារបស់ខ្លួនឈ្មោះអឹុម ឆឺយ អាយុ៦៦ឆ្នាំ ត្រូវចំក្បាលជាច្រើនកន្លែង បណ្តាលឲ្យបែកក្បាលផ្នែកខាងក្រោយ ស្លាប់ភ្លាមៗនៅនឹងកន្លែងកើតហេតុតែម្តង។ ក្រោយធ្វើសកម្មភាពរួច ជនសង្ស័យនេះបានគេចខ្លួនបាត់ស្រមោល តែក្រោយមកពីសមត្ថកិច្ចបានចុះអន្តរាគមន៍ ក៏ត្រូវឃាត់ខ្លួនបានភ្លាមៗផងដែរ។
ជុំវិញករណីខាងលើនេះ គេមិនទាន់ដឹងអំពីមូលហេតុដែលនាំឲ្យមានអំពើឃាតកម្មរវាងចៅ និងជីតានេះកើតឡើងនៅឡើយទេ ប៉ុន្តែពេលនេះសមត្ថកិច្ច កម្លាំងនគរបាលបានឃាត់ខ្លួនជនសង្ស័យបានហើយ និងកំពុងសួរនាំ ដើម្បីកសាងសំណុំរឿងចាត់ការតាមនីតិវិធីហើយ៕
ចែករំលែកព័តមាននេះ