ខេត្តរតនៈគិរី ៖ កងរាជអាវុធហត្ថខេត្តសហការជាមួយប៉េអឹមក្រុងចាប់ក្មេងទំនើង៧នាក់ បង្កអុកឡុកក្នុងកម្មវិធីប្រគុំតន្ត្រីនៅមាត់បឹងកន្សែងមើលចុះក្រុមក្មេងទំនើង សុទ្ធតែអាយុ១២ឆ្នាំ ។
ក្រោមបញ្ជាផ្ទាល់ពីលោកឧត្តមសេនីយ៍ត្រី គឹម រស្មី មេបញ្ជាការអ-ហខេត្តនៅវេលាម៉ោង២១និង៣០នាទីថ្ងៃទី១៧ ខែវិច្ឆិកា ឆ្នាំ២០១៨ កម្លាំង អ.ហ ក្រុងបានចំនួន៨នាក់ដឹកនាំដោយលោកវរសេនីយ៍ត្រី ហៃ វណ្ណារ៉ា មេបញ្ជាការ អ.ហក្រុងមធ្យោបាយរថយន្ត២គ្រឿង ម៉ូតូ១គ្រឿង អាវុធ២ដើម បានចុះបង្ក្រាបក្រុមក្មេងទំនើង ដែលបានបង្កអសន្តិសុខសណ្ដាប់ធ្នាប់សង្គមនៅត្រង់ចំណុចមាត់បឹងកន្សែង ក្នុងភូមិទេសអន្លុងសង្កាត់បឹងកន្សែង ក្រុងបានលុង ខេត្តរតនគីរី ។
លទ្ធផលឃាត់ខ្លួនក្រុមក្មេងទំនើងបានចំនួន៧នាក់មានឈ្មោះដូចខាងក្រោម១-ឈ្មោះ ឡាយ សុខហេង ភេទប្រុស អាយុ២៣ឆ្នាំ ជនជាតិខ្មែរ មុខរបរមិនពិតប្រាកដ ។ ២ – ឈ្មោះ លឹម រតនា ភេទប្រុស អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ ។ ៣-ឈ្មោះ ធឹម សិលា ភេទប្រុស អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ ។ ជនទាំង៣នាក់នេះមានទីលំនៅបច្ចុប្បន្ន ភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគីរី ។ ៤ -ឈ្មោះ ចក់ ឆៃយ៉ា ភេទ ប្រុស អាយុ១៧ឆ្នាំ ជនជាតិឡាវ មុខរបរមិនពិតប្រាកដ ។ ៥ -ឈ្មោះ ថង ម៉ាថាយ ភេទប្រុស អាយុ១២ឆ្នាំ ជនជាតិឡាវ មុខរបរមិនពិតប្រាកដ ។ ជនទាំង២នាក់នេះមានទីលំនៅបច្ចុប្បន្នភូមិភ្នំស្វាយ សង្កាត់បឹងកន្សែង ក្រុងបានលុងខេត្តរតនគិរី ។ ៦-ឈ្មោះ តាំ វីសាក់ ភេទប្រុស អាយុ១៨ឆ្នាំ ជនជាតិឡាវ មុខរបរមិនពិតប្រាកដ ទីលំនៅភូមិលំផាត់ ឃុំជ័យឧត្តម ស្រុកលំផាត់ ខេត្តរតនគិរី ។ ៧ – ឈ្មោះ ភាព តុង ភេទប្រុស អាយុ១៥ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិប្រាក់ ឃុំសាមគ្គី ស្រុកអូរជុំ ខេតរតនគីរី ។ ចាប់យកវត្ថុតាង មានកាំបិតមានរាងជាដាវប្រវែង៦០សង់ទីម៉ែត្រពីឈ្មោះ ថង ម៉ាថាយ អាយុ១២ឆ្នាំ ចំនួន១ ។
ក្រុមក្មេងទំនើងខាងលើបានមកចូលរួមកម្សាន្តពិធីបុណ្យអ៊ុំទូករយៈពេល២ថ្ងៃ និងមានអញ្ជើញក្រុមតន្ត្រីពីក្រុងភ្នំពេញ២យប់ផងដែរ ក្មេងទាំងនោះបានផឹកស៊ីទាស់សំដីគ្នារឿងផឹកស្រាស្រវឹងយកដុំថ្មដេញគុំគ្នា ធ្វើឲ្យមានការភ្ញាក់ផ្អើលដល់ភ្ញៀវជាតិ និងអន្តរជាតិចូលរួម ហើយសមត្ថកិច្ចកិច្ចខាងលើបានបង្ក្រាបទាន់ពេលវេលា និងសំណូមពរឲ្យសារពត៌មានចុះផ្សាយរឿងនេះ ដើម្បីទុកជាមេរៀនកុំឲ្យក្មេង២៥ខេត្តក្រុងទៀតធ្វើតាម ។
បច្ចុប្បន្នដោយបានការសម្របសម្រួលពីលោក ជា ពេជ្រ ព្រះរាជអាជ្ញា អមសាលាដំបូងខេត្តរតនគីរី ការិយាល័យបទល្មើសព្រហ្មទណ្ឌ អ.ហ ខេត្ត បានហៅឪពុកម្ដាយមកធានាធ្វើការអប់រំ ធ្វើកិច្ចសន្យាកែប្រែរួចឲ្យវិលត្រឡប់ទៅលំនៅដ្ឋានវិញ ៕
ចែករំលែកព័តមាននេះ