ប្រសិនបើអ្នកកំពុងប្រឈមទៅនឹងជំងឺលើសសម្ពាធឈាម ការទទួលទានរបបអាហារដែលមានគ្រឿងផ្សំខាងក្រោមនេះអាចគ្រប់គ្រង និងការពារអ្នកមិនឲ្យកើតជំងឺនេះបាន ។ ប្រសិនបើអ្នកកំពុងមានជំងឺនេះ អ្នកក៏អាចញ៉ាំវាបានផងដែរដើម្បីទប់ស្កាត់ និងការពារមិនឲ្យសម្ពាធឈាមឡើងខ្ពស់ ។
ជំងឺលើសសម្ពាធឈាមកំពុងគម្រាមកំហែងប្រជាពលរដ្ឋរាប់រយលាននាក់ នៅទូទាំងពិភពលោក ឬអាចនិយាយបានថា គ្រួសារណាក៏មានសមាជិកម្នាក់ ឬច្រើននាក់ កើតជំងឺលើសសម្ពាធឈាមនេះផងដែរ ។ ជំងឺលើសសម្ពាធឈាម ត្រូវបានគេចាត់ទុកថា ជាឃាតករស្ងប់ស្ងាត់ ពីព្រោះវាអាចសម្លាប់មនុស្ស ដោយមិនលេចចេញជារោគសញ្ញាអ្វីឡើយ ទោះបីជាអ្នកកើតមានវាច្រើនឆ្នាំហើយក៏ដោយ ។
ខាងក្រោមនេះគឺជារបបអាហារដែលអាចគ្រប់គ្រង និងការពារអ្នកពីជំងឺលើសសម្ពាធឈាម ៖
១.ខ្ទឹម ជួយបញ្ចុះជាតិសូដ្យូម និងសម្អាតតម្រងនោម ហើយកាត់បន្ថយសម្ពាធឈាម ។
២. ប៉េងប៉ោះ សំបូរវីតាមីន និងសារធាតុនានា ដែលអាចការពារការកកើតជាតិខ្លាញ់ នៅក្នុងសរសៃឈាម ដែលជាមូលហេតុមួយនាំឲ្យសម្ពាធឈាមកើនឡើង ។
៣.ចូរកាត់បន្ថយការញ៉ាំប្រៃ (អំបិល ឬសូដ្យូម) ជាពិសេសអាហារឆ្អិនស្រាប់ និងអាហារកំប៉ុង ។
៤.ទឹក សំខាន់ណាស់ ក្នុងការគ្រប់គ្រង និងការពារជំងឺលើសសម្ពាធឈាម ។
៥.ចេក ត្រូវបានគេទទួលស្គាល់ថា អាចបញ្ចុះសម្ពាធឈាម បានយ៉ាងមានប្រសិទ្ធភាពបំផុត (ប្រភពពី៖ Health.com.kh) ៕
ចែករំលែកព័តមាននេះ