ខេត្តក្រចេះ ៖ ទីតាំងរោងសិប្បកម្មគ្រឿងសង្ហារឹមឈើប្រណិតដែលជ្រកក្រោមច្បាប់អាជី វកម្មមួយកន្លែង ក្នុងចំណោមទីតាំងជាច្រើនកន្លែងផ្សេងទៀតដែលកំពុងលួចធ្វើអាជីវកម្មនៅ ស្រុកសំបូរ ត្រូវបានសមត្ថកិច្ចចុះពិនិត្យទីតាំង និងមានវិធានការបង្ក្រាប ។
ក្រុមមន្ត្រីនិយាយថា ទីតាំងរោងសិប្បកម្មធំៗចំនួន៣ ដែលបានធ្វើអាជីវកម្មនៅក្នុងភូមិ ខាងក្រោយវត្តសរសរ១០០ក្បែរនឹងទីប្រជុំជនស្រុកសំបូរត្រូវបានអាជ្ញាធរមានសមត្ថកិច្ចដឹកនាំដោយលោក ជា សុភក្ត្រ ព្រះរាជអាជ្ញាររងអមសាលាដំបូងខេត្តចុះធ្វើការត្រួត ពិនិត្យ និងមានវិធានការចាប់បង្ក្រាបចំនួន១ទីតាំងធំជាងគេ ។
ក្រុមមន្ត្រីបាននិយាយទៀតថា ក្នុងប្រតិបត្តិការរបស់ក្រុមសមត្ថកិច្ចទៅលើការចុះត្រួត ពិនិត្យទីតាំងរោងសិប្បកម្មជ្រកក្រោមរូបភាពមានច្បាប់អាជីវកម្មដែលបានធ្វើឡើងពេញមួយ ថ្ងៃទី១៧ វិច្ឆិកា ក្នុងនោះមានឈើប្រណិតចម្រុះចំនួនរាប់រយកំណាត់ គឺត្រូវបានសម្រេចចាប់ រឹបអូសនាំមករក្សាទុក ដើម្បីមានវិធានការ ។ ប្រភពព័តមានបាននិយាយថា បើទោះបីជាទីតាំងសិប្បកម្មទាំងនេះមានច្បាប់អនុញ្ញាត ក៏ពិតមែន តែឈើដែលនាំចូលសម្រាប់កែច្នៃទាំងនោះ គឺសុទ្ធសឹងជាឈើដែលមានប្រភពមក មិនស្របច្បាប់នោះទេ ។
ពលរដ្ឋនៅស្រុកសំបូរនិយាយថា ការដឹកជញ្ជូនឈើតាមទូក និងតាមរថយន្តម៉ូតូមាន សុទ្ធជាឈើប្រណិតចំនួនរាប់សិបម៉ែត្រគូបត្រូវបានគេដឹកជញ្ជូនចូលទៅក្នុងរោងសិប្បកម្ម ធំៗមួយចំនួនខាងលើ ដើម្បីកែច្នៃ ។
ពលរដ្ឋថា នេះជាករណីលើកទី១ហើយដែលសមត្ថកិច្ចបានមានវិធានការចុះបង្ក្រាប ទីតាំងសិប្បកម្មដុះស្លែជ្រកក្រោមអាជ្ញាបណ្ណមានច្បាប់នេះ ។ ព្រោះថា ទីតាំងសិប្បកម្មធំៗទាំងចំនួនខាងលើដែលបើកអាជីវកម្មមានរយៈពេលរាប់សិបឆ្នាំទៅហើយនោះ មិនធ្លាប់បានចុះត្រួតពិនិត្យ និងមានវិធានការបែបនេះនោះទេ ៕
ចែករំលែកព័តមាននេះ