រាជធានីភ្នំពេញ ៖ រថយន្តម៉ាកហ៊ីយ៉ាន់ដាយដឹកអំបិលមួយបានបើកបោះពួយបុកជាមួយរថយន្តម៉ាកឡិចស៊ីសដែលកំពុងឈប់ស្តុបពីក្រោយ ហើយអ្នកបើកបរក៏បានទាញចង្កូតឡើងខឿនសួនច្បារខណ្ឌចែកផ្លូវជាតិលេខ៥ទៅមុខលែងរួច។ គ្រោះថ្នាក់នេះបានកើតឡើងកាលពីវេលាម៉ោង៧និង៤០នាទីព្រឹកថ្ងៃទី១៨ ខែវិច្ឆិកា ឆ្នាំ២០១៨នៅចំណុចស្តុបផ្លូវជាតិលេខ៥ កែងផ្លូវឡើងស្ពានបេឡេត៍ ក្នុងភូមិឃ្លាំងសាំង សង្កាត់ឬស្សីកែវ…
រាជធានីភ្នំពេញ ៖ រថយន្តម៉ាកហ៊ីយ៉ាន់ដាយដឹកអំបិលមួយបានបើកបោះពួយបុកជាមួយរថយន្តម៉ាកឡិចស៊ីសដែលកំពុងឈប់ស្តុបពីក្រោយ ហើយអ្នកបើកបរក៏បានទាញចង្កូតឡើងខឿនសួនច្បារខណ្ឌចែកផ្លូវជាតិលេខ៥ទៅមុខលែងរួច។
គ្រោះថ្នាក់នេះបានកើតឡើងកាលពីវេលាម៉ោង៧និង៤០នាទីព្រឹកថ្ងៃទី១៨ ខែវិច្ឆិកា ឆ្នាំ២០១៨នៅចំណុចស្តុបផ្លូវជាតិលេខ៥ កែងផ្លូវឡើងស្ពានបេឡេត៍ ក្នុងភូមិឃ្លាំងសាំង សង្កាត់ឬស្សីកែវ ខណ្ឌឬស្សីកែវ។
រថយន្តបង្កគ្រោះថ្នាក់ម៉ាកហ៊ីយ៉ាន់ដាយ មានដឹកអំបិល ពណ៌ស ពាក់ស្លាកលេខ បន្ទាយមានជ័យ ៣A-០២៨៤ បើកបរដោយបុរសម្នាក់មិនស្គាល់ឈ្មោះឡើយ ។ ចំណែករថយន្តមួយគ្រឿងទៀតម៉ាកឡិចស៊ីស ពាក់ស្លាកលេខ ភ្នំពេញ ២AE-១០៦១ បើកបរដោយនារីម្នាក់បានរងការខូចខាតផ្នែកខាងក្រោយ។
តាមសាក្សីបានអោយដឹងថា នៅមុនពេលកើតហេតុ គេឃើញរថយន្តដឹកអំបិលធ្វើដំណើរក្នុងទិសដៅពីត្បូងទៅជើងក្នុងល្បឿនលឿន លុះមកដល់កន្លែងកើត ស្រាប់តែមានរថយន្តឡិចស៊ីសមួយគ្រឿងកំពុងឈប់ស្តុប និងបំរុងបើកចេញទៅនៅពេលភ្លើងខៀវ ស្រាប់តែរថយន្តដឹកអំបិលមកបុកពីក្រោយពេញទំហឹង។
តាមសាក្សីបន្តទៀតថា បន្ទាប់មកអ្នកបើកបរក៏បានទាញចង្កូតទៅឆ្វេងដៃឡើងខឿនសួនច្បារកល់ជាប់ទៅមុខលែងរួច។ នៅក្នុងហេតុការណ៍នោះដែរ បណ្តាលអោយកម្មករម្នាក់ធ្លាក់ពីលើរថយន្តម៉ាកហ៊ីយ៉ាន់ដាយដែរ តែពុំណ្តាលអោយរងរបួសឡើយ។
ក្រោយពេលកើតហេតុ នគរបាលមូលដ្ឋានក៍បានចុះទៅកន្លែងកើតហេតុហើយទាក់ទងនគរបាលចរាចរណ៍នាំរថយម្តបង្កទៅកាន់ការិយាល័យចរាចរផ្លូវគោកដើម្បីដោះស្រាយសងការខូខាតទ្រព្យសម្បត្តិសាធារណៈ ។ ដោយឡែករថយន្តម៉ាកឡិចស៊ិសត្រូវបានខាងរថយន្តដឹកអំបិលជួយចេញថ្លៃជួសជុល៕
ចែករំលែកព័តមាននេះ