ទ្រង់ធម្មិកោចង់ឃើញលោក សម រង្ស៊ីចូលស្រុកវិញ
- ភ្នំពេញ
រាជធានីភ្នំពេញ ៖ ព្រះអង្គម្ចាស់ធម្មមិកោបានអះអាងថា ព្រះចង់ឃើញលោក សម រង្ស៊ី ចូលស្រុកវិញ ដូចការប្រកាសភ្នាល់ជាមួយសម្តេច តេជោហ៊ុន សែន…
រាជធានីភ្នំពេញ ៖ ព្រះអង្គម្ចាស់ធម្មមិកោបានអះអាងថា ព្រះចង់ឃើញលោក សម រង្ស៊ី ចូលស្រុកវិញ ដូចការប្រកាសភ្នាល់ជាមួយសម្តេច តេជោហ៊ុន សែន ទ្រង់ធម្មមិកោបានឲ្យដឹងនៅថ្ងៃទី១៨ វិច្ឆិកា ឆ្នាំ២០១៨ បញ្ជាក់«ខ្ញុំគាំទ្រឲ្យលោក សម រង្ស៊ី វិលត្រឡប់មកកាន់មាតុភូមិវិញ តែមិនគាំទ្រឲ្យគាត់មកវិញ ដើម្បីចូលគុកទេ គឺឲ្យគាត់មកវិញដោយមានដំណោះស្រាយ ។ តែអ្នកផ្សេងចង់ដើរចូលគុកក៏ខ្ញុំមិនឃាត់ដែរ »។
ចំណែកលោក hang meang khou សកម្មជនអតិតគណបក្សសង្គ្រោះជាតិបានលើកឡើងថា« ទូលបង្គុំក៏គាំទ្រលោក សម រង្ស៊ី ចូលស្រុក១០០% ដើម្បីរកដំណោះស្រាយ ហើយក៏ត្រូវនិងពាក្យតែងតែសូត្រតាមមាត់គ្រប់ៗគ្នាថា សម រង្ស៊ី និង កឹម សុខា ជាមនុស្សតែមួយមែន»។ ជាមួយគ្នានោះដែរម្ចាស់ហ្វេសប៊ុកឈ្មោះ ច័ន្ទ រាម ក៏បានលើកឡើងថា លោក សម រង្ស៊ី មិនហ៊ានចូលស្រុកដូចអ្វីដែលសន្យា និងប្រកាសជាសាធារណៈនោះទេ ។
ប្រភពបញ្ជាក់ថា លោកសម រង្ស៊ី មិនហ៊ានចូលមកទេព្រះអង្គ… ហើយបើលោក សម រង្ស៊ី ចូលមក គឺមានតែការដោះដូរដូចមានកន្លងមក – ដកពាក្យបណ្តឹងពីតុលាការអន្តរជាតិករណីបោកគ្រាប់បែកមុខរដ្ឋសភា ។ – សុំកែច្បាប់ពី2/3 មក50+1 – ចុងក្រោយមួយទៀតចង់ចូលមកចូលរួមបុណ្យសពម្តាយក្មេកបានឯកភាពទៅលើការកែខ្នាតផែនទី…. ចុះបើមកលើកនេះតើត្រូវដោះដូរអីទៀតព្រះអង្គ…? ។ ប្រភពបន្ថែមថា ចំពោះទូលបង្គំផ្ទាល់សុំឲ្យលោក សម រង្ស៊ី សម្រាកឲ្យស្អាតទៅចាំដល់ពេលអង្គុយកៅអីនាយករដ្ឋមន្ត្រីហ្មងទៅ…. កុំភ័យខ្លាចគេផាត់គាត់ចោលអី ។
សូមជម្រាបថាលោក សម រង្ស៊ី បានបបួលសម្តេចតេជោ ហ៊ុន សែន ដោយយកលោក កឹម ជាប្រធានបទនៃការភ្នាល់ ។ លោក សម រង្ស៊ី ថា បើគ្មានការដោះលែងលោក កឹម សុខា ចាប់ពីចន្លោះថ្ងៃទី២៩ ធ្នូ រហូតដល់ថ្ងៃទី៣ មីនា ឆ្នាំ២០១៩ទេលោកនឹងចូលមកស្រុកវិញ ដើម្បីឲ្យសមត្ថកិច្ចចាប់ដាក់ពន្ធធានាគារ ។
ចំណែកសម្តេច តេជោ ហ៊ុន សែន វិញក៏បានប្រកាសយល់ព្រមតាមការភ្នាល់របស់លោក សម រង្ស៊ី ដោយសម្តេចថា បើមានការដោះលែងលោក កឹម សុខ ដូចការកំណត់របស់លោក សម រង្ស៊ី ពិតមែនសម្តេចនឹងចុះចេញពីតំណែង ។ ការភ្នាល់គ្នារវាងមេបក្សប្រឆាំង និងបក្សកាន់អំណាចនេះបានធ្វើមានការភ្ញាក់ផ្អើលមតិជាតិ និងអន្តជាតិយ៉ាងខ្លាំង ហើយមហាជនក៏ចាំតាមមើលយ៉ាងយកចិត្តទុកដាក់ដែរថា អ្នកទាំងពីរគោរពតាមការភ្នាល់ទេ ៕
ចែករំលែកព័តមាននេះ