ខេត្តមណ្ឌលគិរី ៖ បើតាមសេចក្តីរាយការណ៍បឋមបានឲ្យដឹងថា ក្របីចំនួន៤ក្បាលដែលម្ចាស់ចងទុកនៅក្រោលទីនោះ ស្រាប់តែត្រូវចោរលួចទៅបាត់ កាលពីម៉ោង១២និង១៣នាទីយប់ឈានចូលថ្ងៃទី១៧ ខែវិច្ឆិកា ២០១៨ នៅចំណុចខ្ទមស្រែម្សៅ ស្ថិតក្នុងភូមិព្រះ…
ខេត្តមណ្ឌលគិរី ៖ បើតាមសេចក្តីរាយការណ៍បឋមបានឲ្យដឹងថា ក្របីចំនួន៤ក្បាលដែលម្ចាស់ចងទុកនៅក្រោលទីនោះ ស្រាប់តែត្រូវចោរលួចទៅបាត់ កាលពីម៉ោង១២និង១៣នាទីយប់ឈានចូលថ្ងៃទី១៧ ខែវិច្ឆិកា ២០១៨ នៅចំណុចខ្ទមស្រែម្សៅ ស្ថិតក្នុងភូមិព្រះ ឃុំស្រែឈូក ស្រុកកែវសីមា ខេត្តមណ្ឌលគិរី ។
ម្ចាស់ក្របីឈ្មោះ សម្បត្តិ មុំ ភេទប្រុស អាយុ៤០ឆ្នាំ មុខរបរជាកសិករ រស់នៅភូមិ-ឃុំកើតហេតុខាងលើ ។
សេចក្តីរាយការណ៍បន្តថា ក្រោយពេលចោរលួចក្របីពីក្រោលអស់ទៅ ម្ចាស់ក៏បានទូរស័ព្ទទាក់ទងទៅសមត្ថកិច្ចប្តឹងនគរបាលប៉ុស្តិ៍រដ្ឋបាលស្រែឈូក ដើម្បីឲ្យជួយអន្តរាគមន៍លើករណីចោរលួចគោនេះ ។
ភ្លាមនោះសមត្ថកិច្ចបានសហការជាមួយកម្លាំងប្រជាការពារស្វែងរក និងកម្លាំងប៉ុស្តិ៍នគរបាលរដ្ឋបាលស្វាយជ្រះ ស្រុកស្នួល ខេត្តក្រចេះ ធ្វើការស្រាវជ្រាវ លុះដល់ម៉ោង៣និង៥នាទី រសៀលថ្ងៃដដែល ទើបកម្លាំងសហការឃាត់រថយន្តដឹកក្របីនោះនៅចំណុចផ្លូវ២០១០ ឃុំស្វាយជ្រះ ស្រុកស្នួល ខេត្តក្រចេះ រីឯម្ចាស់រថយន្តដែលជាជនសង្ស័យបានរត់គេចខ្លួនបាត់ ។
បន្ទាប់មកកម្លាំងនគរបាលប៉ុស្តិ៍ស្វាយជ្រះ បញ្ជូនក្របីដែលចោរលួច និងរថយន្តចោរដឹកក្របីទៅកាន់អធិការដ្ឋាននគរបាលស្រុកកែវសីមា ខេត្តមណ្ឌលគិរី ដើម្បីកសាងសំណុំរឿងតាមនីតិវិធី ៕
ចែករំលែកព័តមាននេះ