រាជធានីភ្នំពេញ ៖ ទោះជាការប្រកួតនៅប៉ុស្តិ៍លេខ៥ ត្រូវបានធ្វើឡើងដូចគ្នានឹងការប្រកួតគូដណ្ដើមខ្សែក្រវាត់ទាំងពួង តែកីឡាករបង្គោលខៀវ កំពែង ខ្មៅ នៅតែត្រូវឱ្យចាញ់ការប្រកួតដោយស្វ័យប្រវត្តិ។ ការប្រកួតត្រូវបានឡើងក្នុងលក្ខណ្ឌបំពេញកិច្ចប៉ុណ្ណោះ បើទោះជាការប្រកួតកាលពីថ្ងៃទី១៧ វិច្ឆិកា មានសភាពស្វិតស្វាញល្អមើល។
ការកំណត់នេះ ត្រូវគេឃើញកើតឡើងក្នុងកម្មវិធីប្រកួតកីឡាប្រដាល់កំពូលជើងឯក TV5 BOXING KNOCK OUT SERIES(K-Cement) ជ្រើសរើសជើងឯកខ្សែក្រវ៉ាត់ទម្ងន់៥៧គីឡូក្រាមរដូវកាលទី៤ នៅព្រែកកំពិស។
កីឡាករកំពែង ខ្មៅមកពីក្លិបសមាគមកីឡាប្រដាល់ក្រសួងកសិកម្មប៉ះជាមួយសិស្សប្អូន សេក គឹមសាន្ត មកពីក្លិបអង្គរមានជ័យខេត្តសៀមរាប ដោយប្រវត្តិការប្រកួតរបស់អ្នកប្រដាល់ចិត្តមុតទាំង២នេះ គឺកំពែង ខ្មៅប្រកួតបាន៥៨ដង ឈ្នះ ៥០ ចាញ់៦ ស្មើ២ រីឯគឹមសាន្តប្រកួតបាន៤១ដង ឈ្នះ២៥ ចាញ់១២ ស្មើ៤។
កាលពីជំនួបលើកទី១ អ្នកទាំង២ស្មើគ្នាគ្មានឈ្នះ គ្មានចាញ់ ទើបការប្រកួតក្នុងវគ្គដណ្តើមពាន មានការរំពឹងថា កំពែង ខ្មៅ នឹងបើកការប្រកួតយកឈ្នះដោយកិត្តិយស ដោយមិនគួរចាញ់ស្វ័យប្រវត្តិប្រហែសឱ្យឡើងគីឡូជ្រុល។
ដំណើរការប្រកួតដ្បិតថា បានឡើង ប៉ុន្តែគេដឹងរួចទៅហើយថា កំពែង ខ្មៅ នឹងចាញ់ដោយពិន្ទុ។ ប៉ុន្តែកីឡាកររូបនេះ ក៏វាយគូប្រកួតធ្វើឱ្យគេទ័លទីម្ដងៗផងដែរ ដ្បិតថាជ័យជម្នះបានទៅភាគីម្ខាងទៀត ក្រោយបញ្ចប់ទឹកទី៣។
ចែករំលែកព័តមាននេះ