អ្វីៗនៅក្នុងលោកនេះមិនមែនចេះតែកើតឡើងតាមតែបំណងប្រាថ្នារបស់សត្វនោះទេ លុះណាតែខិតខំប្រឹងប្រែងធ្វើប្រកបដោយបញ្ញា និងយកការព្យាយាមជាធំផងទើបនាំជីវិតទៅរកភាពជោគជ័យ តែបើយើងគ្រាន់តែប៉ងប្រាថ្នាចង់បានឲ្យខ្លួនឯងរស់នៅយូរអង្វែង, ចង់មានទ្រព្យសម្បត្តិស្តុកស្តម្ភ មិនចង់ឲ្យមានរោគាព្យាធិ, ចង់រស់នៅជួបជុំស្វាមីភរិយា កូនចៅប្រុសស្រី, ចង់ឲ្យអ្នកដទៃគេមានភក្តីភាពស្មោះត្រង់នឹងខ្លួន, មិនចង់ឲ្យគេនិយាយភូតកុហក…
អ្វីៗនៅក្នុងលោកនេះមិនមែនចេះតែកើតឡើងតាមតែបំណងប្រាថ្នារបស់សត្វនោះទេ លុះណាតែខិតខំប្រឹងប្រែងធ្វើប្រកបដោយបញ្ញា និងយកការព្យាយាមជាធំផងទើបនាំជីវិតទៅរកភាពជោគជ័យ តែបើយើងគ្រាន់តែប៉ងប្រាថ្នាចង់បានឲ្យខ្លួនឯងរស់នៅយូរអង្វែង, ចង់មានទ្រព្យសម្បត្តិស្តុកស្តម្ភ មិនចង់ឲ្យមានរោគាព្យាធិ, ចង់រស់នៅជួបជុំស្វាមីភរិយា កូនចៅប្រុសស្រី, ចង់ឲ្យអ្នកដទៃគេមានភក្តីភាពស្មោះត្រង់នឹងខ្លួន, មិនចង់ឲ្យគេនិយាយភូតកុហក បោកប្រាស់, ចង់ឲ្យនិយាយតែពាក្យសច្ចៈ ពាក្យពិតត្រង់, ចង់ឲ្យខ្លួនឯងមានបញ្ញាច្រើន និងចង់ឲ្យខ្លួនឯងពោរពេញទៅដោយសុភមង្គល ដូច្នេះជាដើមនោះ នឹងមិនបានសម្រេចដូចបំណងឡើយ ។
សត្វលោកដែលនិយាយថាចង់បាននេះ ចង់បាននោះគ្រប់យ៉ាង ចុះហេតុអ្វីបានជាយើងមិនព្រមនាំគ្នាធ្វើនូវប្រយោជន៍ ដែលនាំឲ្យបាននូវរបស់ទាំងអស់នោះ ចេះតែស្រែកក្តែងៗ តែមិនព្រមនាំគ្នាធ្វើនូវហេតុដែលនាំឲ្យមាននូវសេចក្តីសុខ តើនឹងមានសេចក្តីសុខមកពីណា។
ព្រោះតែចង់ឲ្យជីវិតរបស់ខ្លួនរស់នៅយឹនយូរ តែបែរជាទៅបៀតបៀនជីវិតអ្នកដទៃ តើនេះឈ្មោះថា យើងកំពុងតែសាងនូវភាពជាអ្នកមានអាយុវែងឬ ? ចង់មានទ្រព្យសម្បត្តិ តែបែរជាទៅលួចទ្រព្យអ្នកដទៃ ចង់មានសេចក្តីសុខ តែបែរទៅប្រព្រឹត្តបំពានលើសេចក្តីសុខរបស់អ្នកដទៃ សួរថាតើអំពើទាំងអស់នេះសមគួរដែរទេ ?
ពិតណាស់សុខចម្រើន ទ្រព្យសម្បត្តិ យសស័ក្តិកើតឡើងដោយកិច្ចខិតខំប្រឹងប្រែងតាមផ្លូវសុចរិតខ្លាំងណាស់ បូករួមនឹងសមត្ថភាពផងទើបឃើញស្រមោលនៃរបស់អស់ទាំងនោះ តែបើគ្រាន់តែមានចិត្តប៉ងហើយមិនធ្វើនោះទេប្រាកដជាមិនជោគជ័យឡើយ ។
ចែករំលែកព័តមាននេះ