ខេត្តបាត់ដំបង ៖ សេចក្ដីរាយការណ៍បានឲ្យដឹងថា យ៉ាងហោចណាស់មនុស្ស២នាក់ បានស្លាប់ នៅក្នុងហេតុការណ៍គ្រោះថ្នាក់ចរាចរណ៍មួយនេះកាលពីវេលាម៉ោង៧និង៤០នាទីយប់ថ្ងៃទី១៧ វិច្ឆិកា នៅចំណុចអូវល្លិ៍ប្រេង ដែលស្ថិតក្នុងភូមិឫស្សីព្រះ ឃុំឆ្នាល់មាន់ ស្រុកគាស់ក្រឡ ដែលបង្កឡើងរវាងរថយន្ត និងម៉ូតូ ។
សេចក្ដីរាយការណ៍បានឲ្យដឹងទៀតថា រថយន្តម៉ាក ASiA ពាក់ស្លាកលេខកំពង់ចាម 3A-0610 ដឹកដំឡូងមី តែអ្នកបើករថយន្តរត់គេចខ្លួន រីឯម៉ូតូម៉ាក MSX ពណ៌ស (គ្មានស្លាកលេខ) ជិះឌុបគ្នា២នាក់ ហើយបានធ្វើដំណើរបញ្ច្រាសទិសជាមួយរថយន្តពីលិចទៅកើត ។ ភ្លាមៗនេះគេមិនទាន់ដឹងពីមូលដែលនាំឲ្យមានគ្រោះដ៏ធ្ងន់ធ្ងរនេះទេ តែគេគ្រាន់តែដឹងតាមរយៈការពិនិត្យស្លាកស្នាម គឺភាគីទាំង២បានធ្វើដំណើរក្នុងទិសដៅផ្ទុយគ្នា ។
មន្ត្រីចរាចរណ៍បានប្រាប់ថា ករណីនេះបានធ្វើឲ្យមនុស្ស២នាក់ស្លាប់គឺ១- ឈ្មោះ ធៀម ពានី ភេទប្រុស អាយុ២១ឆ្នាំ រស់នៅភូមិឆាយបល័ង្គ ឃុំធិបតី ស្រុកគាដ់ក្រឡ ២- ឈ្មោះ រឿន រំដោះ ភេទប្រុស អាយុ២២ឆ្នាំ រស់នៅភូមិឆាបល័ង្គ ឃុំធិបតី ស្រុកគាស់ក្រឡ ជនរងគ្រោះទាំង២នាក់ជាជាងជួសជុលម៉ូតូ ។
សពជនរងគ្រោះត្រូវក្រុមគ្រួសារដឹកយកទៅធ្វើបុណ្យតាមប្រពៃណីហើយ ចំណែករថយន្ត និងម៉ូតូត្រូវមន្ត្រីជំនាញយកមករក្សាទុកនៅអធិការនគបាលស្រុកគាស់ក្រឡ ដើម្បីកសាងសំណុំរឿងចាត់ការតាមនីតិវិធីហើយ ៕
ចែករំលែកព័តមាននេះ