រាជធានីភ្នំពេញ ៖ ប្រតិបត្តិការចុះបង្ក្រាបទូហ្គេមបាញ់ត្រីរបស់កម្លាំងព្រហ្មទណ្ឌកំរិតស្រាលស្នងការរាជធានីភ្នំពេញដឹកនាំដោយវេសនីយ៍ឯក ប៊ុន សត្យា នាយការិយាល័យព្រហ្មទណ្ឌកម្រិតស្រាលធ្វើឡើងចំនួន២ទីតាំងដកហូតបានទូហ្គេមបាញ់ត្រីសរុបចំនួន១៣ទូ និងអ្នកចូលទៅលេងចំនួនជិត៣០នាក់ កាលពីវេលាម៉ោង១១និង៤០នាទីយប់ថ្ងៃទី១៦ ខែវិច្ឆិកា ឆ្នាំ២០១៨ តាមបណ្តោយផ្លូវបេតុង នៅក្នុងមជ្ឈមណ្ឌលកោះពេជ្រ ស្ថិតនៅក្នុងសង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មានពីសមត្ថកិច្ចបានអោយដឹងថា មុនពេលកើតហេតុ គឺកម្លាំងព្រហ្មទណ្ឌកំរិតស្រាលនៃស្នងការដ្ឋានរាជធានីភ្នំពេញបានបើកប្រត្តិការទ្រង់ទាយធំបង្ក្រាបទូហ្គេមបាញ់ត្រីដែលស្ថិតនៅទីតាំងក្នុងមជ្ឈមណ្ឌលកោះពេជ្រចំនួន២ទីតាំង សរុបដកហូតបានទូហ្គេមបាញ់ត្រីចំនួន១៣ទូរួមនឹងអ្នកចូលទៅលេងចំនួនជិត៣០នាក់ ។ ទីតាំងខាងលើនេះបើកលេងជាយូរឆ្នាំមកហើយ ។
វត្ថុតាងពាក់ព័ន្ធទាំងអស់ត្រូវបានសមត្ថកិច្ចកសាងសំណុំរឿងបញ្ជូនទៅកាន់តុលាការដើម្បីចាត់ការតាមនីតិវិធី ៕
ចែករំលែកព័តមាននេះ