ការចេះគ្រប់គ្រងអារម្មណ៍បានល្អធ្វើចិត្តឱ្យរឹងដូចដែកថែបនៅពេលជួបបញ្ហាណាមួយចូលមកជារឿងសំខាន់ ព្រោះថាខ្លួនយើងម្នាក់ ឬនៅក្នុងអង្គភាពការងារ ឬក៏នៅក្នុងសង្គមគ្រួសារនីមួយៗចៀសមិនផុតពីមានការប៉ះពារគ្នានោះទេ ដូចចានក្នុងរាវលែងអីនឹងមានការប៉ះទង្គិចគ្នានោះ តែការចេះយោគយល់ ចេះអធ្យាស្រ័យ ចេះឱ្យអភ័យដល់គ្នាជារឿងសំខាន់ ។
ជាមួយនេះដែរគ្រប់គ្រួសារចាំបាច់ក៏ត្រូវមានទ្រព្យ មានប្រាក់ដើម្បីសាងសុភមង្គលផងដែរវាជាការចាំបាច់ណាស់ ប៉ុន្តែកុំប្រាក់និយមពេក ព្រោះថាក្នុងសង្គមគ្រួសាខ្លះមានមាសមានប្រាក់ច្រើនណាស់ តែក៏នៅខ្វះសុភមង្គលផ្តល់ឱ្យគ្នាទៅវិញទៅមក ខ្វះភាពកក់ក្តៅក្នុងចិត្ត ជាជីវិតរស់នៅក្នុងសភាពវេទនាជាងអ្នកអត់ទ្រព្យទៅទៀតក៏មានដែរ ។
ស្ត្រីជាភរិយាមិនតិចទេ ដែលមិនខ្វះទ្រព្យសម្បត្តិ មានសុទ្ធតែរបស់ល្អៗ របស់ថ្លៃៗ ប៉ុន្តែជាប្រក្រតីស្ត្រីទាំងនោះមានមុខក្រៀមស្រពោន ព្រោះខ្វះភាពកក់ក្តៅពីស្វាមីនេះឯង ។
ចំណុចនេះចង់បញ្ជាក់ថា បុរសពួកខ្លះតែងប្រើពាក្យថា រវល់ណាស់រហូតមិនមានពេលសម្រាកនៅផ្ទះ ត្រូវទៅចោលប្រពន្ធចោលកូនជារឿយៗ ខ្លះក៏ខ្វះភាពស្មោះត្រង់មួយនិងមួយ ខ្វះធម៌សន្តោស ខ្លះល្មោភលោភលន់រកស៊ីទុច្ចរិត ខ្វះយុត្តិធម៌ ។ មនុស្សធន់នេះគេមិនហៅថាស្វាមីល្អទេ គួរហៅមោឃបុរសវិញទើបត្រូវជាង។
រឿងទាំងអស់នេះ បើគេថាយើងល្ងង់ព្រោះមិនចេះដូចគេក៏ថាទៅចុះ។ បុរសល្អគួរចេះត្រឹមតែការងាររបស់សុចរិត មានចិត្តស្មោះត្រង់នឹងការងារ ស្មោះត្រង់នឹងគ្រួសារមានការកក់ក្តៅទៅនឹងបានសុខចម្រើន គេងលក់ស្រួលហើយ ។
ចែករំលែកព័តមាននេះ