ធ្វើជាងដែកលុយចាយមិនគ្រប់ បែកគំនិតបន្លំធ្វើជាសង្ឃបានលុយសុីចាយដេកផ្ទះសំណាក់
- ភ្នំពេញ
រាជធានីភ្នំពេញ ៖ ជាងដែក២នាក់ប្រាក់ខែចាយមិនគ្រប់គ្រាន់បែកគំនិតនាំគ្នាទៅទិញស្បង់ចីពរមកគ្រងស្លៀកពាក់បន្លំធ្វើជាសង្ឃក្លែងក្លាយដើររ៉ៃអង្គាសលុយបានដើរសុីចាយដេកផ្ទះសំណាក់ បង្កឲ្យប៉ះពាល់ដល់តម្លៃព្រះពុទ្ធសាសនា ដល់កិត្តយសដល់សង្ឃ ព្រះអង្គត្រឹមត្រូវដទៃទៀត បែកធ្លាយរឿងពលរដ្ឋតាមទាន់ដឹងរឿងចាប់ឃាត់ខ្លួនបានម្នាក់រត់គេចខ្លួនម្នាក់រួចប្រគល់ឲ្យអាជ្ញាធរសង្កាត់ កាលពីវេលាម៉ោង៨និង៣០នាទីព្រឹក ថ្ងៃទី១៧ ខែវិច្ឆិកា…
សង្ឃក្លែងក្លាយមានឈ្មោះ ធី សី អាយុ១៨ឆ្នាំ មុខរបរជាងដែក នៅសង្កាត់ច្បារអំពៅ ខណ្ឌច្បារអំពៅ មានស្រុកកំណើតភូមិដំបូកខ្ពស់ ឃុំដំបូកខ្ពស់ ស្រុកអង្គជ័យ ខេត្តកំពត ត្រូវពលរដ្ឋចាប់ខ្លួនបាន ។ ចំណែកសង្ឃក្លែងក្លាយម្នាក់ទៀតរត់គេចខ្លួនបាត់មានឈ្មោះ ភក្តី ភេទប្រុស អាយុ២១ឆ្នាំ មុខរបរជាងដែក ស្នាក់នៅសិប្បកម្មជាមួយគ្នា ត្រូវជាមិត្តភក្តិ មានស្រុកកំណើត ខេត្តព្រៃវែង ។
តាមសម្តីយុវជនកំហូចរូបនេះបានឲ្យដឹងថា ពួកគាត់ពិតជាមានមុខរបរជាជាងដែក នៅសង្កាត់ច្បារអំពៅ ខណ្ឌច្បារអំពៅ ប្រាក់ខែក្នុងមួយខែ១៨០ដុល្លារ តែប្រាក់ខែសុីចាយមិនគ្រប់គ្រាន់សម្រាប់ពួកគេទាំង២នាក់ក៏បែកគំនិតមួយនាំគ្នាទៅរកទិញស្បង់ចីពរមកស្លៀកគ្រង ហើយដើររ៉ៃអង្គាសលុយតាមទីសាធារណៈតាមភូមិអស់រយៈពេលជាង១០ថ្ងៃមកហើយ ។
ទើបតែរយៈពេល៥ថ្ងៃនេះមកសង្ងំស្នាក់នៅក្នុងខណ្ឌពោធិសែនជ័យ ថ្ងៃឡើងស្លៀកស្បងដើររ៉ៃអង្គាសលុយក្នុងភូមិថ្មគោល ត្រពាំងថ្លឹង បានលុយក្នុងមួយថ្ងៃពី១០មុឺនរៀល ទៅជាង១០មុឺនរៀល សុីចាយពេលយប់ដេកផ្ទះសំណាក់ ។
ហើយទើបតែនៅព្រឹកថ្ងៃទី១៧ ខែវិច្ឆិកា នេះចុះចេញពីផ្ទះសំណាក់នៅម្តុំភូមិត្រពាំងថ្លឹង សង្កាត់ចោមចៅ១ គោលដៅរ៉ៃអង្គាសលុយនៅក្នុងភូមិថ្មគោលទើបតែបានលុយជាង២មុឺនរៀល ត្រូវបានពលរដ្ឋតាមទាន់ដឹងបែកធ្លាយរឿងឃាត់ខ្លួននាំទៅសាលាសង្កាត់ចោមចៅ២តែម្តង ។
ចែករំលែកព័តមាននេះ