រាជធានីភ្នំពេញ ៖ អ្នកកាសែតកោះសន្តិភាពម្នាក់ បានទទួលរងនូវការគំរាមគំហែងពីប្រធានផ្សារជម្ពូវ័ន ប្រើអំណាចផ្តាច់ការ មិនធ្លាប់ជួបសោះ ដោយបានបញ្ជាឱ្យក្រុមសន្តិសុខឃាត់ខ្លួន និងដកយកទូរស័ព្ទលុបរូបចោល ខណៈពេលដែលអ្នកយកព័ត៌មានថតរូបពីសកម្មភាពទាស់ទែងគ្នាលើដងផ្លូវសាធារណៈ ក្នុងការរៀបចំសណ្តាប់ធ្លាប់ និងការលក់ដូរនៅលើដងផ្លូវយ៉ាងអនាធិបតេយ្យ ។
ហេតុការណ៍នេះ បង្កឱ្យមានការភ្ញាក់ផ្អើលកាលពីវេលាម៉ោងប្រមាណ៩ព្រឹក ថ្ងៃទី១៧ វិច្ឆិកា ស្ថិតនៅតាមដងផ្លូវមុខផ្សារជម្ពូវ័ន ក្នុងភូមិជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ ។ ការរារាំងថតរូប នៅទីសាធារណៈនេះ ចាត់ទុកជាការបិទសិទ្ធិសេរីភាពសារព័ត៌មានរបស់បុគ្គលមួយចំនួន ដែលអាងអំណាចនិងអាងខ្នង ។ ទោះបីជាយ៉ាងណាក្តី បន្ទាប់ពីទៅស្នាក់ការនោះ លោកប្រធានផ្សារ ដែលមានមាឌប៉ិនក្របីព្រៃ និងជាអនុប្រធានផ្សារបានសម្លុតឱ្យអង្គុយស្ងៀម ដោយគំរាមតាមអំណាច ។ បន្ទាប់មក ក្រោយពីមានប្រតិកម្មពីក្រុមអ្នកកាសែតកោះសន្តិភាពពីគ្រប់ខណ្ឌ ទើបលោកប្រធានមាឌយក្សធ្វើការសម្របសម្រួល និងសុំទោស ដោយសារតែមិនដែលស្គាល់គ្នា…ហេ!ហេ!
ប្រធានផ្សារដែលប្រើអំណាចផ្តាច់ការខាងលើ ឈ្មោះលាភ ប៊ុន រិទ្ធ ដែលគេស្គាល់ថា ជាបងប្អូនជីដូនមួយ អភិបាលរាជធានីភ្នំពេញ ទើបឡើងកាន់តំណែង ក្រោយពីលោកឡើងធ្វើជាចៅហ្វាយក្រុង ។ តាមព័ត៌មានឱ្យដឹងថា នៅវេលាមុនពេលកើតហេតុ មានរថយន្តកាមរីមួយគ្រឿង ពាក់ស្លាកលេខភ្នំពេញ២D-៦៦៨៣មួយគ្រឿងចតតាមបណ្តោយផ្លូវនៅមុខផ្សារ ធ្វើអោយបាត់បង់សណ្តាប់ធ្លាប់ ហើយកម្លាំងសន្តិសុខប្រមាណ៤ ទៅ៥នាក់ទៅរៀបចំសណ្តាប់ធ្នាប់ឱ្យយកចេញ តែម្ចាស់រថយន្តមិនព្រមយកចេញ និងបានប្រាប់ថា ចតចូលផ្សារតែមួយភ្លែតនោះទេ គាត់ជាមន្ត្រីយោធាថ្នាក់វរសេនីយ៍ឯក ព្រមទាំងដកកាតបង្ហាញ គឺសុំចតមួយភ្លែតទៅវិញហើយ ។
តាមព័ត៌មានឱ្យដឹងទៀតថា នៅព្រឹកនោះក៏មានទំនាស់គ្នាបែកផ្សែងរវាង កម្លាំងសន្តិសុខ និងមន្ត្រីយោធារូបនោះ ។ ខណៈនោះ អ្នកយកព័ត៌មានកោះសន្តិភាពម្នាក់បានជិះម៉ូតូឆ្លងកាត់ ក៏បានថតពីសកម្មភាពទាស់គ្នាបែកផ្សែងនេះ ក្នុងគោលបំណងល្អនោះទេ ។ ទន្ទឹមការទាស់គ្នានោះ បុរសម្នាក់មាឌធំខ្មៅ ដែលគេស្គាល់ថា ប្រធានផ្សារជម្ពូវ័ន បានទៅសម្របសម្រូល ហើយអ្នកសារព័ត៌មានក៏បានថតពីសកម្មភាព តែត្រូវបានលោកប្រធានផ្សារដ៏មានអំណាចសួរនាំ មកពីខាងណាថត គ្មានការអនុញ្ញាតពីអញប្រធានផ្សារ និងគំរាមឱ្យលុបរូបចោល ទោះបីបានប្រាប់ថា មកពីអង្គភាពណាក៏ដោយ ។
ខណៈនោះ អ្នកយកព័ត៌មានមិនបានលុបចោលនោះទេ ព្រោះការថតនោះទីសាធារណៈ និងបន្តថតពីការលក់ដូរ នៅតាមដងផ្លូវបណ្តាលឱ្យបាត់បង់សណ្តាប់សាធារណៈ ហើយត្រូវបានប្រធានផ្សារដ៏មានអំណាចនិងអាងខ្នងនោះបញ្ជាឱ្យក្រុមសន្តិសុខ ចាប់ក្រៀកអ្នកយកព័ត៌មាននាំទៅស្នាក់ការ និងដកហូតយកទូរ
ស័ព្ទដើម្បីលុបរូបចោល ។ ដោយសាតែមានការអន្តរាគមន៍ លុះក្រោយមកលោកប្រធានផ្សារ ឈ្មោះលាភ ប៊ុនរិទ្ធ និងឈ្មោះធិត ធិន គឺជាមន្ត្រីនគរបាលនាយកដ្ឋានអង្គរក្សផងដែរ ក៏បានសម្របសម្រួល និងបានសុំទោស ។
ការសុំទោសនោះ មិនអាចទទួលយកបាននោះទេ ហើយបុគ្គលិកកោះសន្តិភាពម្នាក់នោះ ដែលថតនៅទីសារធារណៈប្រាប់ថា ខ្ញុំគ្មានទោសឱ្យលោកទេ គឺអ្នកដែលមានខ្លួនទេ ដែលព្យាយាមបិទបាំងរឿងអាក្រក់ និងភាពកោងកាចរបស់ខ្លួន ខ្លាចគេថតរូបផ្សព្វផ្សាយពីរឿងអាស្រូវរបស់ខ្លួន ។
ឱ! លោកប្រធានដ៏មានអំណាចអើយ… ជាអ្នកបម្រើប្រជានុរាស្ត្រដោយផ្ទាល់ បញ្ចេញអំណាចដាក់អ្នកកាសែតបែបនេះទៅហើយ… ចុះទំរាំជាមួយអាជីវករក្នុងផ្សារទៀត… មិនដឹងថា ប្រើអំណាចធ្ងន់ធ្ងរបែប
ណាឡើយ ដែលយើងនឹងបន្តចុះផ្សាយទៀតរឿងអាស្រូវទាំងឡាយ ដែលកើតមានក្នុងអាណត្តិលោកប្រធានផ្សារដ៏មានអំណាចម្នាក់នេះ ។ ប្រហែលជាមានតែអញ… ក្រៅពីអញ មានតែអញធំជាងគេ… បក្សពួកធំជាងគេ អាណាធើរអីអញ…!
ចែករំលែកព័តមាននេះ