ពិធីប្រកាសផ្ទេរ និងចូលកាន់តំណែងប្រធានសាលាដំបូងខេត្តស្វាយរៀង
- ស្វាយរៀង
ខេត្តស្វាយរៀង ៖ លោក ឌិន ស៊ីវុទ្ធី ប្រធានសាលាដំបូងខេត្តក្រចេះ បានផ្ទេរភារកិច្ចមកកាន់មុខតំណែង ជាប្រធានសាលាដំបូងខេត្តស្វាយរៀង ជំនួសលោក ប៊ិច…
ខេត្តស្វាយរៀង ៖ លោក ឌិន ស៊ីវុទ្ធី ប្រធានសាលាដំបូងខេត្តក្រចេះ បានផ្ទេរភារកិច្ចមកកាន់មុខតំណែង ជាប្រធានសាលាដំបូងខេត្តស្វាយរៀង ជំនួសលោក ប៊ិច…
ខេត្តស្វាយរៀង ៖ លោក ឌិន ស៊ីវុទ្ធី ប្រធានសាលាដំបូងខេត្តក្រចេះ បានផ្ទេរភារកិច្ចមកកាន់មុខតំណែង ជាប្រធានសាលាដំបូងខេត្តស្វាយរៀង ជំនួសលោក ប៊ិច ឈឿត ប្រធានសាលាដំបូងខេត្តស្វាយរៀង ត្រូវផ្ទេរភារកិច្ចទៅកាន់មុខតំណែងជាប្រធានសាលាដំបូងខេត្តប៉ៃលិន។ ក្នុងឱកាសនោះដែរ លោក ព្រហ្ម សិទ្ធត្រា រដ្ឋលេខាធិការក្រសួងយុត្តិធម៌ តំណាងដ៏ខ្ពង់ខ្ពស់ឯកឧត្ដម អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ នាព្រឹកថ្ងៃទី១៦ ខែវិច្ឆិកា ឆ្នាំ២០១៨នេះ បានអញ្ជើញ ជាអធិបតីនៅក្នុង ពិធីប្រកាសផ្ទេរ និងចូលកាន់មុខតំណែងប្រធានសាលាដំបូងខេត្តស្វាយរៀង។
ដែលពិធីនេះបាន ប្រព្រឹត្តទៅនៅសាលប្រជុំធំអគារ(ឃ)សាលាខេត្តស្វាយរៀង ព្រមទាំងមានការអញ្ជើញចូលរួមពី សំណាក់លោក ជុំ ហាត ប្រធានក្រុមប្រឹក្សាខេត្ត និងលោក ម៉ែន វិបុល អភិបាលនៃគណៈ អភិបាលខេត្ត ស្វាយរៀង លោក អ៊ុ សារិទ្ធ លោក ប្លង់ ឆ្លាម សមាជិកឧត្ដមក្រុមប្រឹក្សានៃអង្គចៅក្រម លោក លោកស្រី ជាប្រតិភូក្រសួងយុត្តិធម៌ និងឧត្ដមក្រុមប្រឹក្សានៃ អង្គចៅក្រមព្រះរាជអាជ្ញាព្រះរាជអាជ្ញារងចៅក្រម តុលាការចៅក្រម អយ្យការ និងមន្ត្រីរាជការនៃសាលាដំបូងខេត្តលោកមេបញ្ជាការ មេបញ្ជាការរង កងកម្លាំងទាំងបី ប្រធានមន្ទីរ – អង្គភាព អភិបាលក្រុងស្រុកជាច្រើនកុះករ។
លោក ម៉ែន វិបុល អភិបាលនៃគណៈ អភិបាលខេត្តស្វាយរៀងបានសម្ដែងនូវការកោតសរសើរ និងថ្លែងនូវការ អរគុណចំពោះ លោកប្រធានសាលាដំបូងខេត្តចាស់ដែលនាពេលកន្លងមកនេះបានសហការ និងមានទំនាក់ទំនងយ៉ាង ល្អប្រសើរជាមួយអាជ្ញាធរដែនដីគ្រប់លំដាប់ថ្នាក់ និងកងកម្លាំងប្រដាប់អាវុធគ្រប់ប្រភេទក្នុងការដឹកនាំ អនុវត្តវិស័យច្បាប់ និងវិស័យតុលាការដោយបានចូលរួមចំណែកយ៉ាងសំខាន់ជាមួយរាជរដ្ឋាភិបាល កម្ពុជាដែលមានសម្ដេច អគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីក្នុងការកែទម្រង់ប្រព័ន្ធ ច្បាប់ និងប្រព័ន្ធយុត្តិធម៌នៅកម្ពុជាជាពិសេសបានចូលរួមចំណែកធ្វើឲ្យខេត្តស្វាយរៀងធានាបាននូវ សន្តិសុខសណ្តាប់ធ្នាប់សាធារណៈសង្គមល្អប្រសើរ និងសម្រេចបាននូវសមិទ្ធផលល្អៗជាបន្តបន្ទាប់។
ជាមួយនេះលោកអភិបាលខេត្តក៏បានបង្ហាញនូវជំនឿជឿជាក់ថាលោកប្រធានសាលាដំបូងខេត្តដែល ត្រូវចូលកាន់តំណែងថ្មីនៅថ្ងៃនេះនឹងបំពេញតួនាទីភារកិច្ចរបស់ខ្លួនបានត្រឹមត្រូវស្របតាមច្បាប់ និង លិខិតបទដ្ឋានគតិយុត្តនានាជាធរមានប្រកបដោយការសហការសាមគ្គីភាពឯកភាពផ្ទៃក្នុង និងមានទំនាក់ទំនងល្អជាមួយរដ្ឋបាលដែនដីគ្រប់លំដាប់ថ្នាក់មន្ទីរ – អង្គភាព និងកងកម្លាំងប្រដាប់អាវុធគ្រប់ ប្រភេទក្នុងការអនុវត្តតួនាទីភារកិច្ចរបស់ខ្លួន ដោះស្រាយរាល់បញ្ហាបណ្តឹងផ្សេងៗ ឬសំណុំរឿងដែល នៅសេសសល់មិនទាន់បានដោះស្រាយ ដោយឈរលើគោលការណ៍តម្លាភាព និងភាពយុត្តិធម៌ផ្ដល់ជូនប្រជាពលរដ្ឋទូទៅ ជាពិសេសប្រជាពលរដ្ឋរងគ្រោះ។
នៅក្នុងឱកាសនោះផងដែរលោក ព្រហ្ម សិទ្ធត្រា រដ្ឋលេខាធិការក្រសួងយុត្តិធម៌ បានលើកឡើងថា ក្រសួងយុត្តិធម៌មានចក្ខុវិស័យរួមមួយអំពី វិស័យយុត្ដិធម៌ដោយឈរលើមូលដ្ឋាននៃរដ្ឋធម្មនុញ្ញដែល ការពារឲ្យមានលទ្ធិប្រជាធិបតេយ្យសេរី នៅក្នុងប្រទេសមួយដែលមានអធិបតេយ្យដើម្បីធានាឱ្យមាន ក្របខណ្ឌច្បាប់ និងយុត្ដិធម៌មួយ ដែលអាចជឿទុកចិត្ដបានមានស្ថិរភាព និងប្រតិបត្ដិតាមនីតិរដ្ឋ។ ដូច្នេះ ស្ថាប័នទាំងឡាយនៃវិស័យ យុត្ដិធម៌ត្រូវធ្វើឱ្យទំនើប និងមានប្រសិទ្ធភាពមានមន្ដ្រីបម្រើការមាន លក្ខណៈសម្បត្ដិល្អប្រសើរ និងមានធនធានគ្រប់គ្រាន់ព្រមទាំងដំណើរការត្រឹមត្រូវតាមការកំណត់នៃ ច្បាប់ក្នុងការដោះស្រាយវិវាទ គ្រប់ប្រភេទទាំងអស់ដែលកើតឡើងរវាងបុគ្គល និងបុគ្គល ឬបុគ្គល និងរដ្ឋ ជាដើម។
លោករដ្ឋលេខាធិការ ក៏បានណែនាំ និងផ្តាំផ្ញើដល់ប្រធានសាលាដំបូងខេត្តកាន់តំណែងថ្មី ក៏ដូចជាមន្ត្រីចំណុះសាលាដំបូងខេត្ត ទាំងអស់ត្រូវ បង្កើនការសាមគ្គីភាពផ្ទៃក្នុងឱ្យកាន់តែល្អប្រសើរឡើង ដើម្បីសម្រេចកិច្ចការងារស្វែងរក យុត្តិធម៌ ជូនប្រជាពលរដ្ឋក៏ដូចជាជនរងគ្រោះទូទៅជាពិសេស ត្រូវមានកិច្ចសហការល្អជាមួយ ផ្នែកពាក់ព័ន្ធទាំងកងកម្លាំងប្រដាប់អាវុធទាំងអាជ្ញាធរដែនដីគ្រប់លំដាប់ ថ្នាក់។ សូមបញ្ជាក់ថា យោងតាមព្រះរាជក្រឹត្យលេខនស/ រកត/១០១៨/១១៤០ចុះថ្ងៃទី២៧ ខែតុលា ឆ្នាំ ២០១៨ លោក ឌិន ស៊ីវុទ្ធី ប្រធានសាលាដំបូងខេត្តក្រចេះ ត្រូវបានផ្ទេរមុខតំណែងឲ្យមកបម្រើការងារជា ប្រធានសាលាដំបូងខេត្តស្វាយរៀង ជំនួសលោក ប៉ិច ឈឿត ប្រធានសាលាដំបូងខេត្តស្វាយរៀង ត្រូវបានផ្ទេរមុខតំណែងឲ្យទៅបម្រើការងារជាប្រធានសាលាដំបូងខេត្តប៉ៃលិន៕
ចែករំលែកព័តមាននេះ