គ្រោងបណ្ដេញលោក GULEN ក្រោយសម្លា.ប់អ្នកកាសែត
ប្រទេសតួកគី ៖ ទូរទស្សន៍អាមេរិក NBC NEWS រាយការណ៍នាថ្ងៃទី១៥វិច្ឆិកាថា រដ្ឋការអាមេរិកបានស្វែងរកមធ្យោបាយមួយ ដើម្បីបណ្ដេញជនប្រឆាំងតួកគី លោកFETHULLAH GULEN…
ប្រទេសតួកគី ៖ ទូរទស្សន៍អាមេរិក NBC NEWS រាយការណ៍នាថ្ងៃទី១៥វិច្ឆិកាថា រដ្ឋការអាមេរិកបានស្វែងរកមធ្យោបាយមួយ ដើម្បីបណ្ដេញជនប្រឆាំងតួកគី លោកFETHULLAH GULEN…
ប្រទេសតួកគី ៖ ទូរទស្សន៍អាមេរិក NBC NEWS រាយការណ៍នាថ្ងៃទី១៥វិច្ឆិកាថា រដ្ឋការអាមេរិកបានស្វែងរកមធ្យោបាយមួយ ដើម្បីបណ្ដេញជនប្រឆាំងតួកគី លោកFETHULLAH GULEN ដែលរស់នៅនិរទេសក្នុងសហរដ្ឋអាមេរិក ដើម្បីបញ្ចុះបញ្ចូលក្រុងអង់ការ៉ាឲ្យឈប់ធ្វើការគាបសង្កត់លើក្រុងរីយ៉ាដ លើរឿងធ្វើឃាតអ្នកកាសែតនិងជាជនប្រឆាំងអារ៉ាប៊ីសាអ៊ូឌីត លោកJAMAL KHASHOGGI តែព័ត៌មាននេះត្រូវបានសេតវិមានបដិសេធ។
ដោយដកស្រង់ប្រភព៤ ទូរទស្សន៍នោះនិយាយថា ក្រសួងយុត្តិធម៌និងFBI ត្រូវបានស្នើឲ្យបើកសំណុំរឿងទាក់ទិននឹងសំណើសុំធ្វើបត្យាប័ន លោកGULEN។ ម្យ៉ាងទៀតរដ្ឋការលោកដូណាល់ត្រាំបានស្នើដល់ក្រសួងសន្តិសុខផ្ទៃក្នុង ផ្ដល់ព័ត៌មានទាំងឡាយស្ដីពីលក្ខន្តិកៈគតិយុត្តិ សម្រាប់ហេតុផលនៃការបណ្ដេញលោកGULEN ចេញជាយថាហេតុ។ មានការជ្រើសរើសនានាហើយមានការជ្រើសរើសមួយដែល នឹងចាប់បង្ខំលោកGULENឲ្យទៅកាន់ប្រទេសអាហ្វ្រិកអាត្បូង។
ទោះបីយ៉ាងណាមនុស្សម្នាក់ក្នុងផ្ទៃសេតវិមានថ្លែងថា សេតវិមានពុំបានធ្វើការពិភាក្សាណាមួយទាក់ទិន ទាំងការធ្វើបត្យាប័នលោកGULEN ទាំងរឿងការស្លាប់របស់លោកKHASHOGGI។ ប្រមុខរដ្ឋតួកគីលោករីសីុបតៃយីបអ័រដូហ្គាន ចាប់តាំងពីយូរមកហើយទាមទារឲ្យធ្វើបត្យាប័នលោកGULEN ដែលរស់នៅក្នុងសហរដ្ឋអាមេរិកចាប់តាំងពីឆ្នាំ១៩៩៩មក។
លោកអ័រដូហ្គានអះអាងថា ការសម្លាប់លោកKHASHOGGI នៅក្រុងអ៊ីស្តង់ប៊ុលធ្វើតាមបញ្ជា ថ្នាក់ដឹកនាំជាន់ខ្ពស់បំផុតរបស់អារ៉ាប៊ីសាអ៊ូឌីត។ ក្រុងអង់ការ៉ាទាមទារឲ្យបញ្ជូនពួកជនសង្ស័យ ដែលចាប់ខ្លួននៅអារ៉ាប៊ីសាអ៊ូឌីត។ រួចអគ្គរាជអាជ្ញាប្រទេសនេះ នាថ្ងៃទី១៥វិច្ឆិកាស្នើឲ្យកាត់ទោសប្រហារជីវិត ប្រឆាំងមនុស្ស៥នាក់ ក្នុងចំណោមមនុស្ស១១នាក់ដែលជាប់ចោទ៕
ចែករំលែកព័តមាននេះ