ខេត្តរតនគិរី ៖ បុរសម្នាក់បើកបរគោយន្តកែច្នៃដឹកឈើពេញប្រៀបមិនប្រយ័ត្នក៏បណ្តាលឲ្យក្រឡាប់សង្កត់ខ្លួនឯងស្លាប់យ៉ាងអាណោចអាធម្មបំផុត ហេតុការណ៍នេះបានកើតឡើងនៅ វេលាម៉ោង៧និង៤០នាទីព្រឹក ថ្ងៃទី១៦ ខែវិច្ឆិកា ឆ្នាំ២០១៨ នៅចំណុចអូរថ្ម ស្ថិតក្នុងភូមិយ៉ែម ឃុំស៊ើង ស្រុកបរកែវ ខេត្តរតនគីរី ។
តាមប្រភពបានឲ្យដឹងថា គោយន្តកែច្នៃដឹកឈើពេញប្រៀបតែម្តងដោយបើកបរមិនប្រយ័ត្នទើបបណ្តាលឲ្យក្រឡាប់ធ្លាក់ផ្លូវដោយខ្លួនឯង ហើយសង្កត់លើអ្នកបើកបរម្នាក់នោះស្លាប់យ៉ាងអាណោចអាធម្មបំផុត ។
ប្រភពបន្តថា ជនរងគ្រោះអ្នកបើកបរនោះឈ្មោះ វ៉ាន់ កុសល ភេទប្រុស អាយុ៣៣ឆ្នាំ ជនជាតិខ្មែរ រស់រស់នៅភូមិដីឡូតិ៍ ឃុំជ័យឧត្ដម ស្រុកលំផាត់ ខេត្តរតនគីរី ។ ក្រោយកើតហេតុសមត្ថកិច្ចបានចុះពិនិត្យដែរ រួចក៏បានប្រគល់សាកសពឲ្យទៅក្រមគ្រួសារសាច់ញាតិយកទៅធ្វើបុណ្យតាមប្រពៃណី ៕
ចែករំលែកព័តមាននេះ