ប្រទេសស្រីលង្កា ៖ ក្នុងសភាស្រីលង្កាកាលពីថ្ងៃទី១៥ វិច្ឆិកា ២០១៨ ខណៈពេលកំពុងប្រជុំសភា ស្រាប់តែផ្ទុះការប្រវាយប្រតប់គ្នាគួរឲ្យភ្ញាក់ផ្អើល ។ បណ្ដាសមាជិកសភាបានដាល់តប់គ្នា និងគប់របស់របរផ្សេងៗដាក់គ្នា…
ប្រទេសស្រីលង្កា ៖ ក្នុងសភាស្រីលង្កាកាលពីថ្ងៃទី១៥ វិច្ឆិកា ២០១៨ ខណៈពេលកំពុងប្រជុំសភា ស្រាប់តែផ្ទុះការប្រវាយប្រតប់គ្នាគួរឲ្យភ្ញាក់ផ្អើល ។ បណ្ដាសមាជិកសភាបានដាល់តប់គ្នា និងគប់របស់របរផ្សេងៗដាក់គ្នា ខណៈប្រទេសនេះជួបប្រទះវិបត្តិនយោបាយធ្ងន់ធ្ងរ ចាប់តាំងពីជិត៣ខែមកហើយ។
ថ្ងៃទី២៦ តុលា ប្រធានាធិបតីស្រីលង្កា លោកMAITHRIPALA SIRISENA ពេលកំពុងមានជម្លោះ បានដកហូតតំណែងនាយករដ្ឋមន្ត្រីលោក RANIL WICKREMESINGHE ដាក់ជំនួសដោយអតីតបុរសខ្លាំងរបស់ប្រទេស ពីឆ្នាំ២០០៥ទៅ២០១៥ លោកMAHINDA RAJAPAKSE។
ថ្ងៃទី១៤ វិច្ឆិកា សភាបានអនុម័តលើញត្តិមិនទុកចិត្តប្រឆាំងលោក RAJAPAKSE។ ពេលនោះមានការប្រទូស្តរ៉ាយគ្នាមួយកើតឡើង ដោយពុំដឹងថា តើនរណាវាយនរណាមុនឡើយ។ មនុស្សជាច្រើននាក់រងរបួស តែពុំធ្ងន់ធ្ងរទេ។ ហើយប្រធានសភាបានសម្រេចលើកពេលកិច្ចប្រជុំ។
យោងតាមអ្នកទទួលខុសត្រូវសភាម្នាក់ថា តំណាងរាស្ត្រ១រូប នៃគណបក្សលោកRAJAPAKSE ត្រូវគេដាល់ឲ្យរបួសពេលប៉ុនប៉ងទាញយកក្បាលមេក្រូពីដៃប្រធានសភា លោក KARU JAYASURIYA ហើយត្រូវបញ្ជូនទៅមន្ទីរពេទ្យ។
ប្រធានសភាដែលប្រមុខរដ្ឋប្រកាសរំលាយចោល មុនពេលតុលាការកំពូលពុំផ្ដល់សុពលភាព ចាប់ផ្ដើមកិច្ចប្រជុំសភាទៀត ដោយប្រកាសថា ប្រទេសពេលនេះពុំមានរដ្ឋាភិបាលឡើយ។ លោកថា បច្ចុប្បន្នពុំមាននាយករដ្ឋមន្ត្រី ពុំមានបណ្ដារដ្ឋមន្ត្រី និងពុំមានរដ្ឋាភិបាលឡើយនៅស្រីលង្កា។ ខ្ញុំពុំទទួលស្គាល់នរណាម្នាក់ជានាយករដ្ឋមន្ត្រីទេ។
ការអនុម័តញត្តិមិនទុកចិត្តប្រឆាំងលោក RAJAPAKSE ព្រមទាំងសាលដីការបស់តុលាការកំពូល គឺជាការគាំទ្រដ៏សំខាន់ដល់លោកRANIL WICKREMESINGHE ប្រមុខរដ្ឋាភិបាលដែលដកហូតតំណែង។ លោកWICKREMESINGHE កាន់តំណែងនោះ៤លើករួចមកហើយ រួចរូបលោកត្រូវបានពួកលោកខាងលិចវាយតម្លៃថា ជាអ្នកធ្វើការកែទម្រង់នានានៃសេដ្ឋកិច្ចរបស់ប្រទេស។
រូបលោកត្រូវបានហាមឃាត់ចាប់តាំងពីថ្ងៃទី២៦តុលាមក មិនឲ្យចាកចេញពិនិវេសនដ្ឋានផ្លូវការ។ ចំណែកអតីតបុរសខ្លាំងរបស់ប្រទេស លោកRAJAPAKSEថ្លែងក្នុងសភាក្នុងឋានៈ ជាសមាជិកសភាធម្មតាមួយរូប សូមឲ្យមានការបោះឆ្នោតដើម្បីបញ្ចប់ជម្លោះ៕ វីដេអូដកស្រង់ចេញពី ៖ Le Huffington Post
ចែករំលែកព័តមាននេះ