ខេត្តរតនគិរី ៖ បងថ្លៃល្មោមកាមលួងលោមរំលោភប្អូនថ្លៃស្រី អាយុ១៣ឆ្នាំ បានសម្រេច៦លើក រឿងខាងលើត្រូវបែកធ្លាយដល់ម្តាយក្មេងស្រីរងគ្រោះក៏ប្តឹងសមត្ថកិច្ចឲ្យចាប់ឃាត់ខ្លួនកូនប្រសាកំហូចខាងលើ នៅវេលាម៉ោង១៤និង០៥នាទីថ្ងៃទី១៥ ខែវិច្ឆិកា ឆ្នាំ២០១៨ ។
កម្លាំងជំនាញនគរបាលព្រហ្មទណ្ឌស្រុកបរកែវ សហការណ៍ជាមួយកម្លាំងប៉ុស្តិ៍ឡាមិញបានធ្វើការឃាត់ខ្លួនជនសង្ស័យឈ្មោះ ទីង ទឹម ភេទប្រុស អាយុ៣២ឆ្នាំ ជនជាតិដើមភាគតិចទំពួន មានប្រពន្ធ និងកូនម្នាក់ ត្រូវជាបងថ្លៃក្មេងស្រីរងគ្រោះ មុខរបរធើ្វចម្ការ មានទីលំនៅសព្វថ្ងៃភូមិសំ ឃុំតេន ស្រុកអូរយ៉ាដាវ ខេត្តរតនគិរី ។ ហេតុការចាប់ឃាត់ខ្លួន នៅផ្ទះជនសង្ស័យតែម្តង នៅក្នុងភូមិគ្លិះ ឃុំស៊ើង ស្រុកបរកែវ ដោយឡែកក្មេងស្រីរងគ្រោះអាយុ១៣ឆ្នាំ ជនជាតិទំពួន (ត្រូវជាប្អូនថ្លៃ) មុខរបរសិស្ស មានទីលំនៅស្រុកបរកែវ ។
ក្រោយពីឃាត់ខ្លួនបានសមត្ថកិច្ចប៉ូលិសមូលដ្ឋានបានឲ្យសារព័ត៌មានដឹងថា មុននឹងឈានដល់ការឃាត់ខ្លួនជនសង្ស័យខាងលើ សមត្ថកិច្ចបានទទួលពាក្យបណ្តឹងម្ដាយជនរងគ្រោះនៅថ្ងៃទី១៤ ខែវិច្ឆិកា ឆ្នាំ២០១៨ វេលាម៉ោង០៨និង០០នាទីព្រឹក ក្រោយពីបានទទួលពាក្យបណ្តឹងសមត្ថកិច្ចបានតាមរកជនសង្ស័យទៅដល់លំនៅដ្ឋានដោយប្រពន្ធជនសង្ស័យប្រាប់សមត្ថកិច្ចថា ប្តីនាងមិនបាននៅផ្ទះទេ ជាប់រវល់ទៅរកស៊ីអារឈើក្នុងព្រៃបាត់ហើយ រួចសមត្ថកិច្ចបានឲ្យប្រពន្ធជនសង្ស័យតេទូរស័ព្ទហៅប្តីត្រឡប់មកផ្ទះវិញ ដោយកុហក់ថា កូនឈឺ ពេលជនសង្ស័យមកដល់ផ្ទះសមត្ថកិច្ចចាប់ខ្លួនតែម្តង ក្រោយពីចាប់ខ្លួនបានជនសង្ស័យបានសារភាពប្រាប់សមត្ថកិច្ចថា ខ្លួនពិតជាបានលួងលោមប្អូនថ្លៃស្រីរំលោភបានសម្រេច៦លើកពិតប្រាកដមែន ក្នុងពេលលួងលោមរំលោភម្តង បានធ្វើឡើងដូចជា នាំប្អូនថ្លៃស្រីទៅរកត្រីនៅអូរ និងទៅចម្ការតែពីរនាក់ដោយរំលោភញឹកញាប់ពេក នាងទ្រាំមិនបានក៏រៀបរាប់ប្រាប់ម្តាយពីដំណើររឿង ។
បច្ចុប្បន្នជនសង្ស័យសមត្ថកិច្ចកំពុងតែឃុំខ្លួននៅអធិការស្រុកបរកែវ និងកសាងសំណុំរឿងបញ្ជូនទៅសាលាដំបូងខេត្តចាប់ការតាមនីតិវិធីច្បាប់ ៕
ចែករំលែកព័តមាននេះ