ខេត្តរតនគិរី ៖ គោញី៦ក្បាលបានងាប់រដូករណែលគេសង្សយ័ថា បណ្តាលមកពីពុលថ្នាំបាញ់ប៉ូវដំណាំដំឡូង ហេតុការណ៍នេះបានកើតឡើងនៅថ្ងៃទី១៤ ខែវិច្ឆិកា ឆ្នាំ២០១៨ នៅក្នុងចំការដំឡូង និងចំការស្វាយចន្ទីរបស់ឈ្មោះ ណាត ក្នុងភូមិចង ឃុំញ៉ាង ស្រុកអណ្តូងមាស ខេត្តរតនគិរី ។
សមត្ថមិច្ចស្រុកអណ្តូងមាសបានឱ្យដឹងថា ម្ចាស់គោរងគ្រោះឈ្មោះ សល់ ចេល ភេទប្រុស អាយុ៥៦ឆ្នាំ គោរបស់គាត់ងាប់២ក្បាល, ម្ចាស់គោឈ្មោះ រចំ ផង់ ភេទប្រុស អាយុ៣៣ឆ្នាំ គោរបស់គាត់ងាប់១ក្បាល, ម្ចាស់គោឈ្មោះ សល់ គ័រ ភេទប្រុស អាយុ៣៥ឆ្នាំ គោរបស់គាត់ងាប់១ក្បាល, ម្ចាស់គោឈ្មោះ សេវ គ្លីន ភេទប្រុស អាយុ៤៥ឆ្នាំ គោរបស់គាត់ងាប់១ក្បាល និងគោងាប់១ក្បាលទៀតសមត្ថកិច្ចមិនទាន់ដឹងម្ចាស់នៅឡើយទេ ។
ប្រភពបន្តថា តាមការសន្និដ្ឋានរបស់មណ្ឌលសុខភាពឃុំញ៉ាងថា សត្វគោទាំងនេះងាប់គឺបណ្តាលមកពីពុលថ្នាំសម្រាប់ប៉ូវដំឡូងមី ៕
ចែករំលែកព័តមាននេះ