ខេត្តបន្ទាយមានជ័យ ៖ ស្ត្រីជាកម្មករធ្វើផ្លូវជាតិលេខ៥ម្នាក់ឃើញរឺឡូឈប់ក្តៅទៅជ្រកខាងមុខអ្នកបើកបរមិនឃើញបើកកិនស្លាប់មួយរំពេច ដែលគ្រោះថ្នាក់កើតឡើងនៅវេលាម៉ោង៣និង៣០នាទីរសៀល ថ្ងៃទី១៤ ខែវិច្ឆិកា ឆ្នាំ២០១៨ នៅភូមិ-ឃុំបត់ត្រង់ ស្រុកមង្គលបូរី ។
ស្ត្រីរងគ្រោះដែលស្លាប់ដោយរឺឡូកិនមានឈ្មោះ វ៉ាន់ ឈៀក អាយុ៣៨ឆ្នាំ មានមុខរបបជាកម្មករធ្វើផ្លូវជាតិលេខ៥ដែលរស់នៅភូមិព្រែកល្បៅ ឃុំឬស្សីក្រោក ស្រុកមង្គលបូរី ។
កម្លាំងនគរបាលស្រុកមង្គលបូរីបានប្រាប់ថា នៅពេលដែលគ្រោះថ្នាក់កើតឡើងគឺអ្នកបើកបរឺឡូកិនផ្លូវបានឈប់ចតរឺឡូចោលហើយចុះទៅនោម ហើយស្ត្រីជាកម្មករធ្វើផ្លូវឃើញរឺឡូចតចោលដោយម៉ាស៊ីនឆេះហើយមេឃក្តៅបានទៅជ្រកនៅខាងមុខរឺឡូដោយស្នូរម៉ាស៊ីនរឺឡូមិនបានចាប់អារម្ភផង ។
ស្រាប់តែអ្នកបើកបររឺឡូមកពីនោមឡើងបើករឺឡូដោយមិនបានឃើញស្ត្រីរងគ្រោះអង្គុយនៅខាងមុខរឺឡូបានបើកទៅមុខបណ្តាលកិនស្ត្រីរងគ្រោះបណ្តាលស្លាប់ភ្លាមៗនឹងកន្លែង ហើយអ្នកបើកបររឺឡូក្រោយពេលកិនស្ត្រីរងគ្រោះស្លាប់បានពន្លត់ម៉ាស៊ីនចុះមើលទាំងភ័យស្លន់ស្លោរដោយគ្មានបំណង ។
ក្រោយពេលស្ត្រីរងគ្រោះជាកម្មករធ្វើផ្លូវត្រូវរឺឡូកិនផ្លូវកិនស្លាប់នឹងកន្លែងកម្លាំងនគរបាលជំនាញបានចុះមកពិនិត្យមើល និងសាកសួរគឺស្ត្រីរងគ្រោះដែលស្លាប់ទៅជ្រកនៅមុខរឺឡូនៅអ្នកបើកបរទៅនោមហើយបានបើកបរកិនស្លាប់ នេះជាការធ្វេសប្រហែសគ្មានការប្រុងប្រយ័ត្នមុនពេលបើកបរទើបបណ្តាលរឺឡូកិនស្លាប់ត្រូវបានសាច់ញាតិទទួលយកធ្វើបុណ្យតាមប្រពៃណី ។ ហើយអ្នកបើកបរត្រូវបានកម្លាំងនគរបាលនាំយកទៅសាកសួរ និងរឺឡូដែលបង្កគ្រោះថ្នាក់ត្រូវបានយកទៅរក្សាទុកប៉ុស្តិ៍រងចាំដោះស្រាយតាមច្បាប់ ៕
ចែករំលែកព័តមាននេះ