រាជធានីភ្នំពេញ ៖ បុរសចំណាស់ម្នាក់មានជំងឺលើសឈាមច្រើនឆ្នាំមកហើយ ព្យាបាលមិនជា ហើយនៅចុងក្រោយគាត់មានអាការៈមិនស្រួលខ្លួន ប៉ុន្តែមិនបានទៅរកគ្រូពេទ្យដើម្បីពិគ្រោះពីស្ថានភាពជំងឺទេ។ ដោយស្មានថា មិនអីគាត់ក៏បានទៅទិញថ្នាំពីឱសថស្ថានយកមកលេបដោយខ្លួនឯង ខណៈនោះក្រោយពីលេបថ្នាំ នោះរួច…
រាជធានីភ្នំពេញ ៖ បុរសចំណាស់ម្នាក់មានជំងឺលើសឈាមច្រើនឆ្នាំមកហើយ ព្យាបាលមិនជា ហើយនៅចុងក្រោយគាត់មានអាការៈមិនស្រួលខ្លួន ប៉ុន្តែមិនបានទៅរកគ្រូពេទ្យដើម្បីពិគ្រោះពីស្ថានភាពជំងឺទេ។ ដោយស្មានថា មិនអីគាត់ក៏បានទៅទិញថ្នាំពីឱសថស្ថានយកមកលេបដោយខ្លួនឯង ខណៈនោះក្រោយពីលេបថ្នាំ នោះរួច មិនបានធ្វើឲ្យស្ថានភាពជំងឺធូរស្រាលឡើយ។ ផ្ទុយទៅវិញបែរជាធ្វើឲ្យរឹតតែមានសភាពដុនដាបខ្លាំងឡើង ហើយមិនយូរប៉ុន្មានក៏បានប្រតិកម្មថ្នាំប្រកាច់ស្លាប់ភ្លាមៗតែម្ដង។
ហេតុការណ៍នោះបានកើតឡើងកាលពីវេលា ម៉ោង៣រសៀល ថ្ងៃទី១៥ ខែវិច្ឆិកា ឆ្នាំ២០១៨ ស្ថិតនៅបុរីសន្តិភាព២ ភូមិដំណាក់ត្រយឹង សង្កាត់ចោមចៅ២ ខណ្ឌពោធិសែនជ័យ។ លុះដល់វេលាល្ងាចថ្ងៃដដែលទើបកម្លាំងនគរបាលចុះទៅពិនិត្យ និងធ្វើលិខិតបញ្ជាក់មរណៈភាព ដើម្បីប្រគល់សពជូនក្រុមគ្រួសារធ្វើបុណ្យទៅតាមប្រពៃណី។ តាមប្រភពព័ត៌មានបានឲ្យដឹងថាបុរសរងគ្រោះខាងលើ ឈ្មោះ ព្រំ ឋាន ហៅ សួគ៌ ឋាន អាយុ៥០ឆ្នាំ គាត់ មានជំងឺលើសឈាមច្រើនឆ្នាំមកហើយ។
សព្វថ្ងៃស្នាក់នៅក្នុងផ្ទះកើតហេតុខាងលើ និងមានស្រុកកំណើត នៅក្នុងភូមិព្រៃភ្នៀត ឃុំសំឡី ស្រុកកំពង់រោទិ៍ ខេត្តស្វាយរៀង។ គាត់គឺជាបុរស ពោះម៉ាយ ហើយនៅមុនពេលកើតហេតុគាត់មានអាការៈមិនស្រួលខ្លួនហើយគាត់មិនបានទៅជួបពិគ្រោះជាមួយគ្រូពេទ្យនោះឡើយ។ ប្រភពដដែលបានបន្តថា ដោយសារតែគិតថាមិនអីគាត់បានទិញពីឱសថស្ថានមួយមកលេប ព្យាបាល ជំងឺដោយខ្លួនឯង លុះក្រោយពេលលេបថ្នាំរួចបានរយៈពេលប្រហែលជិតមួយម៉ោង មិនបានធ្វើឲ្យស្ថានភាព ជំងឺធូរស្បើយនោះឡើយ។
ប៉ុន្តែបានបណ្ដាលឲ្យមានសភាពដុនដាបកាន់តែខ្លាំងទៅវិញដោយសារតែប្រតិកម្មថ្នាំ ធ្វើឲ្យគាត់មានអាការៈ រឹងដៃ រឹងជើងប្រកាច់ស្លាប់ភ្លាមៗ តែម្ដង។ ខណៈនោះដោយមិនអស់ចិត្ត សាច់ញាតិ និងអ្នកជិតខាងបានហៅក្រុមសង្គ្រោះអង្គភាព៧១១ ឲ្យជួយទៅពិនិត្យមើល និងក្នុងបំណងដឹកយកទៅសង្គ្រោះ ប៉ុន្តែហួសពេលទៅហើយ។ ទើបរាយការណ៍ជូននគរបាលប៉ុស្តិ៍ចោមចៅ២ ឲ្យចុះទៅពិនិត្យ និងធ្វើលិខិតបញ្ជាក់មរណៈភាព ព្រមទាំងប្រគល់សពជូនក្រុមគ្រួសារនាំយកទៅធ្វើបុណ្យតាមប្រពៃណី៕
ចែករំលែកព័តមាននេះ