រាជធានីភ្នំពេញ ៖ ភេទទី៣ម្នាក់បានចងកសម្លាប់ខ្លួននៅក្នុងបន្ទប់ជួល បង្កឲ្យមានការភ្ញាក់ផ្អើលកាលពីវេលាម៉ោង៨និង១៥នាទីយប់ថ្ងៃទី១៤ ខែវិច្ឆិកា ឆ្នាំ២០១៨ តាមបណ្តោយផ្លូវ១៣ នៅចំណុចបន្ទប់ជួលលេខ១៥ ស្ថិតនៅក្នុងភូមិ៥ សង្កាត់ផ្សារចាស់…
រាជធានីភ្នំពេញ ៖ ភេទទី៣ម្នាក់បានចងកសម្លាប់ខ្លួននៅក្នុងបន្ទប់ជួល បង្កឲ្យមានការភ្ញាក់ផ្អើលកាលពីវេលាម៉ោង៨និង១៥នាទីយប់ថ្ងៃទី១៤ ខែវិច្ឆិកា ឆ្នាំ២០១៨ តាមបណ្តោយផ្លូវ១៣ នៅចំណុចបន្ទប់ជួលលេខ១៥ ស្ថិតនៅក្នុងភូមិ៥ សង្កាត់ផ្សារចាស់ ខណ្ឌដូនពេញ ។
ជនរងគ្រោះដែលស្លាប់ឈ្មោះអាសាន់ ជាភេទទី៣ មានអាយុ២៨ឆ្នាំ ស្នាក់នៅចំណុចកើតហេតុខាងលើ ។
តាមប្រភពព័ត៌មានពីម្ចាស់ផ្ទះឈ្មោះសៀង សំអូន ភេទស្រី អាយុ៤៤ឆ្នាំ ស្នាក់នៅចំណុចកើតហេតុខាងលើបានអោយដឹងថា មុនពេលកើតហេតុ ម្ចាស់ផ្ទះបានឡើងទៅគោះទ្វារបន្ទប់ជនរងគ្រោះ ព្រោះតែជនរងគ្រោះមិនបានបង់លុយផ្ទះអស់ជាច្រើនថ្ងៃមកហើយ។
ប្រភពដដែលបានបន្តថា ពេលឡើងទៅគោះទ្វារបន្ទប់របស់ជនរងគ្រោះ ស្រាប់តែទ្វារបន្ទប់អត់មានចាក់សោខាងក្រៅនោះទេ ប៉ុន្តែចាក់គន្លឹះពីខាងក្នុង ។ ទោះបីជាគោះទ្វារបន្ទប់យ៉ាងណា ក៏មិនមានអ្នកបើកទ្វារនោះដែរ ទើបធ្វើឲ្យផ្អើលអ្នកជិតខាងនាំគ្នាចូលទៅមើលរួចឡើងជាន់ឈើក្បែរបង្អួចមើលឃើញជនរងគ្រោះចងកស្លាប់បាត់ទៅហើយ ទើបសមត្ថកិច្ចមូលដ្ឋានរាយការណ៍ទៅអោយផ្នែកកោសល្យវិច្ច័យចុះមកពិនិត្យសព ។
ក្រោយពេលកើតហេតុ សពជនរងគ្រោះត្រូវបានដឹកយកទៅតម្កល់នៅវត្តទឹកថ្លាដើម្បីរកសាច់ញាតិមកទទួលយកទៅធ្វើបុណ្យនៅឯស្រុកកំណើតទៅតាមប្រពៃណី ៕
ចែករំលែកព័តមាននេះ