សហរដ្ឋអាមេរិក ៖ យោងតាមតុល្យការថ្មីថា ភ្លើងឆេះព្រៃដែលនៅតែខ្លាំងក្លា នាថ្ងៃទី១៤វិច្ឆិកានៅរដ្ឋកាលីហ្វ័រនីញ្ញ៉ា ចំនួនអ្នកស្លាប់ឡើងដល់៥៩នាក់ ហើយអាជ្ញាធរបង្កើនការខិតខំប្រឹងប្រែងតាមរកដានមនុស្សប្រមាណជា១៣០នាក់ទៀតដែលនៅតែបាត់ខ្លួន។
លោកKORY HONEPប្រមុខប៉ូលិសតំបន់BUTTEនិយាយថា សាកសពជនរងគ្រោះថ្មី៨នាក់ទៀត ត្រូវបានរកឃើញនាថ្ងៃទី១៤វិច្ឆិកា នៅក្រុងPARADISEជាទីក្រុងតូចមួយនាភាគខាងជើងកាលីហ្វ័រនីញ៉ា ដែលរងការវាយប្រហារដោយអណ្ដាតភ្លើងពេញបន្ទុក កាលពីថ្ងៃទី៨វិច្ឆិកា។ ប្រមុខប៉ូលិសរូបនោះបន្តថា យើងអាចតាមរកឃើញមនុស្សជាង២០០នាក់ដែលគិតថាបាត់ខ្លួន។
ប៉ុន្តែមកដល់យប់ថ្ងៃទី១៤វិច្ឆិកា មនុស្សប្រមាណជា១៣០នាក់នៅតែបាត់ខ្លួន ពិសេសបណ្ដាមនុស្សចាស់ មានដើមកំណើតនៅក្រុងPARADISE ដែលរងការបំផ្លាញស្ទើរទាំងស្រុងដោយភ្លើងឆេះព្រៃ បំផ្លាញព្រៃឈើយ៉ាងតិច៥៦.០០០ហិកតារួចហើយ៕
ចែករំលែកព័តមាននេះ