ប្រទេសយេម៉ែន ៖ ក្រុមចម្រុះអារ៉ាប់នាំមុខដោយអារ៉ាប៊ីសាអ៊ូឌីត ដែលធ្វើអន្តរាគមន៍នៅយេម៉ែន ចាប់តាំងពីខែមីនាឆ្នាំ២០១៥មកប្រឆាំងពួកឧទ្ទាមហ៊ូធី បានចេញបញ្ជាឲ្យផ្អាកការវាយលុកលើទីក្រុងកំពង់ផែ HODEIDAយេម៉ែន។ បណ្ដាមេបញ្ជាការរបស់កងទ័ពរដ្ឋាភិបាលយេម៉ែន ប្រកាសនាថ្ងៃទី១៤វិច្ឆិកាថា បានទទួលបញ្ជាឲ្យឈប់ធ្វើការវាយលុក…
ប្រទេសយេម៉ែន ៖ ក្រុមចម្រុះអារ៉ាប់នាំមុខដោយអារ៉ាប៊ីសាអ៊ូឌីត ដែលធ្វើអន្តរាគមន៍នៅយេម៉ែន ចាប់តាំងពីខែមីនាឆ្នាំ២០១៥មកប្រឆាំងពួកឧទ្ទាមហ៊ូធី បានចេញបញ្ជាឲ្យផ្អាកការវាយលុកលើទីក្រុងកំពង់ផែ HODEIDAយេម៉ែន។
បណ្ដាមេបញ្ជាការរបស់កងទ័ពរដ្ឋាភិបាលយេម៉ែន ប្រកាសនាថ្ងៃទី១៤វិច្ឆិកាថា បានទទួលបញ្ជាឲ្យឈប់ធ្វើការវាយលុក ប្រឆាំងពួកឧទ្ទាមហ៊ូធីក្នុងទីក្រុងកំពង់ផែHODEIDAជាទីលាននៃការប្រយុទ្ធគ្នាយ៉ាងបង្ហូរឈាម តាំងពីដើមខែវិច្ឆិកាមក។
ចំណែករដ្ឋាភិបាលអេមីរ៉ាត់អារ៉ាប់រួមជាដៃគូសំខាន់របស់អារ៉ាប៊ីសាអ៊ូឌីត ក្នុងក្រុមចម្រុះប្រឆាំងពួកឧទ្ទាមប្រកាសថា ខ្លួនគាំទ្រការកោះធ្វើក្នុងប្រទេសស៊ុយអែត ការចរចាសន្តិភាពអន្តរយេម៉ែនមួយក្នុងពេលដ៏ឆាប់។
រយៈពេល១២ថ្ងៃនៃការទម្លាក់គ្រាប់បែកនិងការប្រយុទ្ធគ្នាខ្លាំងក្លាក្នុងទីក្រុងកំពង់ផែHODEIDA បណ្ដាលឲ្យមនុស្សស្លាប់ជិត៦០០នាក់ ពិសេសពួកយុទ្ធជនទាំងសងខាង។ មានការខិតខំប្រឹងប្រែងខាងការទូតអន្តរជាតិយ៉ាងសកម្ម ទើបអាចសម្រេចបានភាពធូរស្រាលនៃការប្រយុទ្ធគ្នានៅក្រុងHODEIDAចាប់តាំងពីថ្ងៃទី១២វិច្ឆិកាមក។
បណ្ដាមហាអំណាចលោកខាងលិចពិសេសអាមេរិកនិងអង់គ្លេស ទាមទារឲ្យក្រុមចម្រុះបញ្ឈប់ការវាយលុកលើក្រុងHODEIDA ព្រោះខ្លាចមានវិបត្តិមនុស្សធម៌កាន់តែខ្លាំងនៅយេម៉ែន ហើយជំំរុញឲ្យមានការចរចាបញ្ចប់ជម្លោះ៕
ចែករំលែកព័តមាននេះ