ចុះពិនិត្យកងកម្លាំងហ្វឹកហាត់បា.ញ់គ្រាប់ពិត
- បាត់ដំបង
ខេត្តបាត់ដំបង ៖ កាលពីព្រឹកថ្ងៃទី១៤ ខែវិច្ឆិកា ឆ្នាំ២០១៨ លោកឧត្តមសេនីយ៍ឯក ប៊ុន សេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៥…
ខេត្តបាត់ដំបង ៖ កាលពីព្រឹកថ្ងៃទី១៤ ខែវិច្ឆិកា ឆ្នាំ២០១៨ លោកឧត្តមសេនីយ៍ឯក ប៊ុន សេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៥…
ខេត្តបាត់ដំបង ៖ កាលពីព្រឹកថ្ងៃទី១៤ ខែវិច្ឆិកា ឆ្នាំ២០១៨ លោកឧត្តមសេនីយ៍ឯក ប៊ុន សេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ បានដឹកនាំមេបញ្ជាការរង នាយសេនាធិការ នាយការិយាល័យ ចុះត្រួតពិនិត្យការងារប្រុងប្រៀបបាញ់គ្រាប់ពិត នៅទីលានបាញ់គ្រាប់ពិតមរតក តេជោសែន ភ្នំវាលចាប ក្នុងខេត្តបាត់ដំបង ដោយបានផ្តោតទៅលើចំណុចត្រូវបាញ់ចម្ងាយ ពិនិត្យអាវុធគ្រប់ប្រភេទដែលមាននៅលើទីតាំងនេះ សម្រាប់ការហ្វឹកហាត់បាញ់គ្រាប់ពិតចំនួន៣លើក គឺនៅថ្ងៃទី២០ ទី២៧ និងទី២៩ ខែវិច្ឆិកា ឆ្នាំ២០១៨ ខាងមុខនេះ ។
លោកឧត្តមសេនីយ៍ត្រី សោម សុន នាយកសាលាហ្វឹកហ្វឺនយោធភូមិភាគទី៥ បានបញ្ជាក់ថា កងកម្លាំងដែលកំពុងឈរជើងត្រៀមបាញ់គ្រាប់ពិតនៅទីនេះ មានចំនួន៣៤៣នាក់ ដែលមានសិក្ខាកាមមកពីសាលាពលទាហានចំនួន២៥០នាក់ ក្នុងនោះមានប៉ូលិសចំនួន៤០នាក់មកពីវរសេនាត្រូចការពារព្រំដែនចំនួន៤អង្គភាពរបស់ស្នងការនគរបាលខេត្តបាត់ដំបង និងមានកងវរសេនាតូចរថក្រោះចំនួន២៦នាក់ វរសេនាតូចការពារអាកាស់ និងអាវុធគាំទ្រ ដែលមានប្រភេទកាំភ្លើងត្បាល់ធុន MT 100 បាញ់ចម្ងាយ២៥៨០ម៉ែត្រសម្រាប់គោលដៅទី១ និងគោលដៅទី២ បាញ់ចម្ងាយ២៨១៥ម៉ែត្រ កាំភ្លើងការពារអាកាសសម្រាប់បាញ់យន្តហោះ ២៣មីល្លីម៉ែត្រ និងធុន១២,៧មីល្លីម៉ែត្រ ចំនួន២ដើម បាញ់ចម្ងាយ២៨០០ម៉ែត្រ និងចម្ងាយ៦០០ម៉ែត្រ ព្រមទាំងប្រភេទកាំភ្លើងដេកា និងអាកា បេ៤០បន្ថែមទៀត ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ