ខេត្តរតនគិរី ៖ ក្មេងប្រុសម្នាក់ឃើញខ្សែដែលគេចងជាប់នឹងសសរឈើសម្រាប់ហាលខោអាវ ហើយក៏ទាញ បណ្តាលឱ្យរលំសង្កត់មកលើស្លាប់តែម្តង។ ហេតុការណ៍នេះបានកើតឡើងនៅវេលាម៉ោង៧និង៣០នាទីយប់ថ្ងៃទី១៣ ខែវិច្ឆិកា ឆ្នាំ២០១៨ នៅភូមិល្អឺនកាំងរមិស ឃុំអូរជុំ ស្រុកអូរខេត្តរតនគិរី។
ជនរងគ្រោះដែលស្លាប់ឈ្មោះសុខ នុត ភេទប្រុស អាយុ៦ឆ្នាំ ជាជនជាតិទំពួន រស់នៅភូមិឃុំកើតហេតុខាងលើ។
តាមប្រភពព័ត៌មានបានឱ្យដឹងថា មុនពេលកើតហេតុ ក្មេងប្រុសរងគ្រោះបានទាញខ្សែដែលគេចងជាប់នឹងសសរឈើចាស់សម្រាប់ហាលខោអាវ ទើបបណ្តាលអោយសសរឈើនោះដួលរលើងគល់សង្កត់ពីលើក្មេងប្រុសរងគ្រោះស្លាប់តែម្តង។
ក្រោយពេលកើតហេតុ កំលាំងសមត្ថកិច្ចជំនាញ និងប៉ុស្តិ៍បានធ្វើកំណត់ហេតុ ប្រគល់សពអោយទៅក្រុមគ្រួសារដើម្បី ធ្វើបុណ្យតាមប្រពៃណីផងដែរ៕
ចែករំលែកព័តមាននេះ