ពិធីប្រកាសចូលកាន់មុខតំណែងនាយករដ្ឋបាលសាលាខេត្តសៀមរាប
- សៀមរាប
ខេត្តសៀមរាប ៖ នាថ្ងៃទី១៤ ខែ វិច្ឆិកា ឆ្នាំ២០១៨ នៅរដ្ឋបាលសាលាខេត្តសៀមរាប មានរៀបចំពិធីប្រកាសតែងតាំងអតីត លោក សុខ…
ខេត្តសៀមរាប ៖ នាថ្ងៃទី១៤ ខែ វិច្ឆិកា ឆ្នាំ២០១៨ នៅរដ្ឋបាលសាលាខេត្តសៀមរាប មានរៀបចំពិធីប្រកាសតែងតាំងអតីត លោក សុខ…
ខេត្តសៀមរាប ៖ នាថ្ងៃទី១៤ ខែ វិច្ឆិកា ឆ្នាំ២០១៨ នៅរដ្ឋបាលសាលាខេត្តសៀមរាប មានរៀបចំពិធីប្រកាសតែងតាំងអតីត លោក សុខ ថុល នាយករង រដ្ឋបាលសាលាខេត្ត ឱ្យចូលកាន់មុខតំណែង ថ្មី ជានាយករដ្ឋបាលសាលាខេត្តសៀមរាបវិញ ជំនួសលោក នួន ពុទ្ឋារ៉ា ដែលត្រូវផ្ទេរភារកិច្ចទៅកាន់តំណែងជា អភិបាលក្រុងសៀមរាប ក្រោមអធិបតីភាពរបស់លោក បណ្ឌិត ឃឹម ប៊ុនសុង អភិបាលខេត្តសៀមរាប ។
ក្នុងពិធីតែងតាំងនោះ លោក បណ្ឌិត ឃឹម ប៊ុនសុង អភិបាលខេត្តសៀមរាបបានមានប្រសាសន៍ថា ការប្រកាសតែងតាំងលោក សុខ ថុល ជានាយករដ្ឋបាលសាលាខេត្តនៅពេលនេះ ក៏មានការជឿជាក់ពីរាជរដ្ឋាភិបាល ក្រសួងមហាផ្ទៃ និងអាជ្ញាធរខេត្ត ដែលជាការលើកទឹកចិត្តដល់មន្ត្រី ឲ្យបន្តខិតខំបំពេញភារកិច្ច ក្នុងការបម្រើជាតិមាតុភូមិ ។
ប្រការសំខាន់នេះ សុំឲ្យនាយករដ្ឋបាលថ្មីធ្វើយ៉ាងណាត្រូវខិតខំ ប្រឹងប្រែងយកចិត្តទុកដាក់ក្នុងការអនុវត្តន៍នូវតួនាទីភារកិច្ចរបស់ខ្លួន ដោយឈរលើជំហរទទួលខុសត្រូវលើការងារ រក្សាសាមគ្គីឯកភាពផ្ទៃក្នុង ដាស់តឿនក្រើនរំលឹកគ្នាទៅវិញទៅមក ដោយប្រកាន់ខ្ជាប់នូវគោលការណ៍គ្រឹះទាំង៤សម្រាប់មន្ត្រីមុខងារសាធារណៈ គឺឆន្ទៈ ម្ចាស់ការ ភក្ដីភាព មនសិការវិជ្ជាជីវៈ និងវប្បធម៌សេវាសាធារណៈ និងត្រូវបន្តសហការល្អគ្រប់ជាមួយបណ្តាក្រសួង ស្ថាប័ន អង្គភាពនានា គោរពនិងអនុវត្តន៍តាមរដ្ឋធម្មនុញ្ញ ច្បាប់ និងលិខិតបទដ្ឋានគតិយុត្តិនានា របស់រាជរដ្ឋាភិបាលកម្ពុជា ក្រសួងមហាផ្ទៃ និងសេចក្តីណែនាំរដ្ឋបាលខេត្ត ឱ្យមានប្រសិទ្ឋភាពខ្ពស់ ៕
ចែករំលែកព័តមាននេះ