រាជធានីភ្នំពេញ ៖ កម្លាំងនគរបាលខណ្ឌទួលគោកដាក់គោលដៅត្រួតពិនិត្យអាវុធជាតិផ្ទុះនិងពង្រឹងច្បាប់ចរាចរណ៍បានធ្វើការឃាត់ខ្លួនសង្ស័យពីនាក់ដកបានថ្នាំញៀន១កញ្ចប់តូចនិងម៉ូតូមួយគ្រឿង ហេតុការណ៍នេះកើឡើងកាលពីវេលាម៉ោង៩និង៣០នាទីយប់ថ្ងៃទី១៤ ខែវិច្ឆិកា ឆ្នាំ២០១៨ ស្ថិតនៅចំណុចច្រកចូលផ្ទះសំណាក់ឈូកទិព្ធ តាមបណ្តោយផ្លូវព្រះមុនីរ៉េត ក្នុងសង្កាត់ផ្សារដើមគ ខណ្ឌទួលគោក…
រាជធានីភ្នំពេញ ៖ កម្លាំងនគរបាលខណ្ឌទួលគោកដាក់គោលដៅត្រួតពិនិត្យអាវុធជាតិផ្ទុះនិងពង្រឹងច្បាប់ចរាចរណ៍បានធ្វើការឃាត់ខ្លួនសង្ស័យពីនាក់ដកបានថ្នាំញៀន១កញ្ចប់តូចនិងម៉ូតូមួយគ្រឿង ហេតុការណ៍នេះកើឡើងកាលពីវេលាម៉ោង៩និង៣០នាទីយប់ថ្ងៃទី១៤ ខែវិច្ឆិកា ឆ្នាំ២០១៨ ស្ថិតនៅចំណុចច្រកចូលផ្ទះសំណាក់ឈូកទិព្ធ តាមបណ្តោយផ្លូវព្រះមុនីរ៉េត ក្នុងសង្កាត់ផ្សារដើមគ ខណ្ឌទួលគោក ។
ជនសង្ស័យទាំង២នាក់ខាងលើ ម្នាក់ឈ្មោះ និប នៅ ភេទប្រុស អាយុ២៧ឆ្នាំ មុខរបរកម្មករសំណង ស្នាក់នៅបន្ទប់ជួលក្នុងសង្កាត់ស្ទឹងមានជ័យទី៣ ខណ្ឌមានជ័យ មានស្រុកកំណើតនៅស្រុកអូររាំងឪ ខេត្តត្បូងឃ្មុំ ។
ចំណែកម្នាក់ទៀតឈ្មោះ ស៊ី ធា ភេទប្រុស អាយុ៣០ឆ្នាំ មុខរបរជាងដែក ស្នាក់នៅសង្កាត់សំរោង ខណ្ឌពោធិ៍សែនជ័យ មានស្រុកកំណើតនៅស្រុកអូររាំងឪ ខេត្តត្បូងឃ្មុំ។
តាមប្រភពព័ត៌មានពីកម្លាំងសមត្ថកិច្ចបានប្រាប់ឲ្យដឹងថា មុននឹងកម្លាំងធ្វើការដាក់គោលដៅត្រួតពិនិត្យអាវុធជាតិផ្ទុះ និងពង្រឹងច្បាប់ចរាចរណ៍នៅត្រង់ចំណុចកើតហេតុខាងលើ។ បន្ទាប់មកក៏លេចមុខជនសង្ស័យទាំងពីរនាក់ជិះម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០១៥ ពណ៌ខ្មៅ ពាក់ស្លាកលេខ ព្រៃវែង ១B-៩៦៧១ ចូលមកក្នុងគោលដៅត្រួតពិនិត្យខាងលើ ។
ដោយមានការសង្ស័យ កម្លាំងសមត្ថិច្ចក៏បានហៅឲ្យឈប់ និងឆែកឆេរទៅលើខ្លួនជនរងសង្ស័យទាំងពីរនាក់ខាងលើ ស្រាប់តែប្រទះឃើញថ្នាំញៀនប្រភេទក្រាមសថ្លា១កញ្ចប់តូចនៅលើខ្លួនជនសង្ស័យម្នាក់ក្នុងចំណោមពីរនាក់ខាងលើ រួចក៏កម្លាំងសមត្ថកិច្ចក៏ធ្វើការឃាត់ខ្លួនភ្លាមៗតែម្តង។
បច្ចុប្បន្នសង្ស័យទាំងពីររួមនឹងវត្ថុតាងត្រូវបានកម្លាំងនគរបានបញ្ជូនខ្លួនមកសួរនាំនៅអធិការដ្ឋាននគរបាលខណ្ឌទួលគោកដើម្បីកសាងសំណុំរឿងបញ្ជូនទៅតុលាការរង់ចាំចាត់ការតាមនីតិវិធីច្បាប់៕
ចែករំលែកព័តមាននេះ