«អេសាន់បេ ហាណាគីតា កូជីម៉ា»( ESANBE HANAKITA KOJIMA) ជាកោះតូចក្នុងខេត្តហុកកៃដូ ប្រទេសជប៉ុនបានបាត់យ៉ាងចម្លែកគ្មាននរណាម្នាក់បានដឹង សូម្បីតែអ្នកភូមិSarufutsu ឆ្ងាយពីកោះត្រឹមតែ៥០០ម៉ែត្រ ក៏មិនដឹងដែរ ។
កាសែត«អាសាហ៊ី»របស់ជប៉ុនបញ្ជាក់ថា អ្នកស្រុកទើបតែដឹងថា កោះនោះបានបាត់កាលពីខែកញ្ញាកន្លងមក ពេលលោកHiroshi Shimizu អ្នកនិពន្ធសៀវភៅពីកោះនោះទៅទស្សនកិច្ចក្នុងភូមិSarufutsu ហើយលោកបានប្រាប់ទៅសហគមន៍អ្នកនេសាទពីការបាត់ស្រមោលកោះ ។ លឺដូច្នោះសមាជិកក្នុងសហគមន៍ចេញទូកទៅមើលទើបដឹងច្បាស់ថាបាត់កោះមែន ។
អ្នកនេសាទបានសម្ភាសន៍ប្រាប់កាសែតអាសាហ៊ីថា ពួកគេបានឃើញកោះនោះកាលពីច្រើនឆ្នាំមុន តែព្យាយាមគេចពីវាព្រោះប្រព័ន្ធត្រីវិស័យបានណែនាំថាមិនគួរទៅ ខ្លាចធ្វើឲ្យទូកកល់នឹងប្រជុំផ្កាថ្មនៅទីនោះ ។
ចំណែកសមាជិកក្រុមឆ្មាំសមុទ្ររបស់ជប៉ុនបញ្ជាក់ថា ក្រុមការងារបានត្រួតពិនិត្យកោះនោះលើកចុងក្រោយនៅឆ្នាំ១៩៨៧ បានងើបផុតពីទឹកប្រហែល១,៤ម៉ែត្រ ។ ដោយសារតែខ្យល់ និងទឹកកកនៅក្នុងសមុទ្របោកបក់ប៉ះធ្វើឲ្យកោះសឹករេចរឹលរហូតបាត់កោះនោះ ៕
ចែករំលែកព័តមាននេះ