រាជធានីភ្នំពេញ៖កញ្ញារឿន ណាត ប្រកបដោយរូបឆោមស្រស់សោភា និងសមត្ថភាព ជាបេក្ខនារីកម្ពុជាមួយរូបចូលរួមប្រកួតបវរកញ្ញាចក្កវាល(Miss Universe 2018) នៅប្រទេសថៃ ។ កន្លងមករាល់ការបង្ហាញវត្តមានរបស់កញ្ញារឿន…
រាជធានីភ្នំពេញ៖កញ្ញារឿន ណាត ប្រកបដោយរូបឆោមស្រស់សោភា និងសមត្ថភាព ជាបេក្ខនារីកម្ពុជាមួយរូបចូលរួមប្រកួតបវរកញ្ញាចក្កវាល(Miss Universe 2018) នៅប្រទេសថៃ ។ កន្លងមករាល់ការបង្ហាញវត្តមានរបស់កញ្ញារឿន ណាត តាមរយៈកម្មវិធី ផ្សេងៗ ម្ដងៗ តែងតែទទួលបានការចាប់អារម្មណ៍ពីមហាជន ព្រោះតែរូបសម្រស់ដ៏លេចធ្លោរបស់នាង ។
កញ្ញារឿន ស៊ីណាត អាយុ២១ឆ្នាំ ជាតំណាងបេក្ខនារីកម្ពុជាសម្រាប់ការប្រកួតក្នុងកម្មវិធីដ៏ធំមួយនោះ ។ នាងត្រូវប្រកួតប្រជែង ដើម្បីទទួលបានមកុដមានតម្លៃរាប់ម៉ឺនដុល្លារ មិនត្រឹមតែប៉ុណ្ណោះក៏ជាមោទនភាពចំពោះប្រជាជនកម្ពុជាផងដែរ ។ ចំពោះឈុតសម្លៀកបំពាក់សម្រាប់នាងគ្រងចូលរួមប្រកួតមានភាពប្រណីតគាប់ភ្នែក មានដូចជាមកុដក្បាលនាគ និងគ្រឿងតុបតែងលម្អជាច្រើនទៀត ។ ក្រោយពេលបញ្ចេញឈុតសម្លៀកបំពាក់នោះមក មហាជនបានសម្តែងការកោតសរសើរ ខណៈមកុដវិញក៏ប្រណីតគួរឲ្យចាប់អារម្មណ៍ណាស់ដែរ ។
កាលពីពេល ថ្មីៗកន្លងមកបើតាមការបញ្ជាក់របស់អ្នកនាងស្រីមុំ ជាអ្នកគ្រប់គ្រងទូទៅនៅក្នុងហាងកាត់ដេរដែលទទួលបានឱកាសរៀបចំច្នៃម៉ូដសម្លៀកបំពាក់នោះ ឲ្យដឹងថាក្រុមការងារបានប្រើប្រាស់ពេលវេលាស្រាវជ្រាវយ៉ាងម៉ត់ចត់មុនពេលចាប់ផ្តើមច្នៃវាឡើង ។
ក្រៅពីស្រស់ស្អាតឈុតតំណាងជាតិមួយនេះបង្កប់ដោយអត្ថន័យជ្រាលជ្រៅ គឺជាព្រះរាជាណាចក្រដ៏សម្បូរបែបដោយសម្បត្តិវប្បធម៌ ធនធានធម្មជាតិនៅតំបន់អាស៊ីអាគ្នេយ៍ ដោយទឹកដីនេះបានផ្តើមចេញពីក្សត្រីអំបូរនាគដំបូងបង្អស់ដែលបានសោយរាជ្យនៅលើទឹកដីសុវណ្ណភូមិនេះក្នុងស.តទី១ ។ ព្រះនាងលីវយី ឬសោមាបានអភិសេកជាមួយនឹងព្រះថោង ដូចនេះហើយប្រទេសកម្ពុជាក៏បានចាប់ផ្តើមមានសន្តិវង្ស ឬរាជវង្សដំបូងក្នុងរជ្ជកាលព្រះអង្គ បានកើតនូវទំនៀមទម្លាប់ ប្រពៃណី សាសនា ភាសា អ្នកប្រាជ្ញាអក្សរសាស្ត្រ និងគោរពលិទ្ធិមាតាប្រជាធិតេយ្យ ។
ឈុតនៃគ្រឿងលម្អកាយដែលបានធ្វើអស់រយៈពេលជាច្រើនខែនោះ មានអត្ថន័យដូចជា«មកុដក្បាំងនាគ» ជានិមិត្តរូបនៃភាពត្រជាក់ត្រជុំ ។ ទម្រង់សម្លៀកបំពាក់តាមបែបសម័យកណ្តាល ស.តទី១៥ដល់១៨ ។ ផែនទីដែលមានទម្រង់ពណ៌ទង់នៃព្រះរាជាណាចក្រកម្ពុជា អមនឹងចម្លាក់អង្គរ តំណាងឲ្យជាតិ សាសនា ព្រះមហាក្រត្ស និងអរិយធម៌ដល់កំពូលនៃស្ថាបត្យកម្មខ្មែរនាអតីតកាល ។ ស្បៃវែងដណ្តប់កាយ ជាទង់ខ្មែរ អមដោយទេពរក្សាគ្រឹះនគរជាប់ជាយស្បៃ បង្ហាញឲ្យឃើញដល់កូនខ្មែរគ្រប់រូបចេះស្រលាញ់ ចេះថែរក្សា រាល់អ្វីដែលជាសម្បត្តិនៃជនរួមជាតិ»។
ដោយក្នុងនោះអ្នកនាង ស្រីមុំ បានរៀបរាប់យ៉ាងដូច្នោះថា ការធ្វើម៉ូតនេះឡើង គឺប្រើប្រាស់ពេលវេលានៅក្នុងការស្រាវជ្រាវយ៉ាងម៉ត់ចត់ និងធ្វើវាឡើងគឺយូររហូតដល់ ២ ខែជាងឯណោះ។
ការច្នៃឈុតនេះឡើងគឺត្រូវប្រើប្រាស់មនុស្សច្រើននាក់ ដោយបែងចែកគ្នាទៅតាមជំនាញរៀងៗខ្លួន ។ គ្រឿងលម្អ និងសម្លៀកបំពាក់តំណាងជាតិនេះបានច្នៃឡើងអស់តម្លៃជាង៣០០០ដុល្លារអាមេរិក ។ ឈុតតំណាងជាតិ គ្រងដោយកញ្ញាប៊ី សុធារី កាលពីឆ្នាំ២០១៧ មានតម្លៃ២៤០០ ដុល្លារអាមេរិក បើតាមការអះអាងពីក្រុមការងារផេក Miss Universe Cambodia ៕
ចែករំលែកព័តមាននេះ