Messi ថា La Liga មានការប្រកួតប្រជែងយ៉ាងខ្លាំង
តាមប្រភពព័ត៌មាន Goal បានឲ្យដឹងថា កីឡាករជើងខ្លាំងរបស់ក្លិបអ្នកមានបុណ្យ Lionel Messi បានចាត់ទុក La Liga លើកនេះមានភាពប្រកួតប្រជែងច្រើនជាងលើកណាៗទាំងអស់…
តាមប្រភពព័ត៌មាន Goal បានឲ្យដឹងថា កីឡាករជើងខ្លាំងរបស់ក្លិបអ្នកមានបុណ្យ Lionel Messi បានចាត់ទុក La Liga លើកនេះមានភាពប្រកួតប្រជែងច្រើនជាងលើកណាៗទាំងអស់ ។
Messi បាននិយាយបែបនេះ នៅពេលឡើងទទួលពាន Trofeo Di Stefano កាលថ្ងៃចន្ទ កន្លងមកនេះ ពីសារព័ត៌មានអេស្ប៉ាញ Marca ក្នុងនាមជាកីឡាករខ្លាំងផ្តាច់គេក្នុងរដូវកាល 2017-18 សម្រាប់ La Liga ។
ខណៈដែល Barcelona កំពុងឈរនៅលើកំពូលតារាង La Liga រដូវកាលនេះ ជាមួយនឹង២៤ពិន្ទុ ក្លិបផ្សេងៗទៀតក៏មានពិន្ទុប្រកិតៗហ្នឹងដែរ ។ នេះសូម្បីតែ Top 6 ដែលជា Real Madrid ក៏មាន២០ពិន្ទុដែរ ដែលតិចជាង Barcelona ត្រឹមតែ៤ប៉ុណ្ណោះ ។
Messi បាននិយាយក្នុងឱកាសទទួលពានថា៖«វាពិតជាល្អណាស់ដែលលីគទៅជាបែបនេះ។ វាមានភាពប្រកួតប្រជែងខ្លាំងជាងពេលណាៗទាំងអស់។ នរណាក៏អាចតាមគ្នាទាន់ដែរ។ ខ្ញុំសង្ឃឹមថា វានឹងនៅបែបនេះឲ្យយូរទៅចុះ»។
គួរបញ្ជាក់ផងដែរថា Messi បានលេងយ៉ាងល្អនៅក្នុងការប្រកួត La Liga រដូវកាល 2018-19 ដែលរកបានបាល់៩គ្រាប់ និងស៊ុតឌុបពីរគ្រាប់ជាប់គ្នាក្នុងការប្រកួតជាមួយនឹង Real Betis កាលពីថ្ងៃអាទិត្យ ៕
ចែករំលែកព័តមាននេះ