នៅប្រទេសថៃ បុរសម្នាក់បានដេកស្រាត និងអង្គុយបោចផ្កាកុលាប នៅខាងមុខហាង«Sea Food» ក្បែរមាត់សមុទ្រ ក្នុងទឹកមុខដ៏ក្រៀមក្រំ បង្កើតការភ្ញាក់ផ្អើលដល់ភ្ញៀវទេសចរ កាលពីថ្ងៃទី៧ វិច្ឆិកា ២០១៨ ។
បុរសរូបនោះស្រាតននលដេកនៅក្បែរមាត់សមុទ្រ ហើយមាត់របស់គេនិយាយរអ៊ូរទាំហាក់ដូចជាមនុស្សម្នាក់កំពុងខូចចិត្ត ។ ឃើញដូច្នេះប៉ូលិសសួរនាំ ទើបដឹងថាគេឈ្មោះថងបៃ អាយុ៤២ឆ្នាំនៅខេត្តលើយ និងមានអាការស្រវឹងព្រោះធុំក្លិនស្រា ។ ប៉ូលិសឲ្យគេស្លៀកពាក់ តែគេប្រកែកមិនឲ្យចាប់ខ្លួន ក៏ត្រូវប៉ូលិសចាប់វាយខ្នោះដៃនាំទៅប៉ុស្ដិ៍ ។
ក្រោយពីលោកថងបៃ ស្វាងពីស្រវឹងបានរៀបរាប់ថា «ខ្ញុំមិនមែនមនុស្សឆ្កួតទេ ការមកដេកស្រាតនេះព្រោះខឹងគូស្នេហ៍បោះបង់ខ្ញុំចោល ទើបទិញស្រាមកផឹក និងនៅពេលមានអារម្មណ៍ចង់បញ្ឈឺចិត្តក៏ស្រាតសម្លៀកបំពាក់ រួមទាំងយកកុលាបដែលទិញលួងចិត្តមកកម្ទេចចោល ។ ខ្ញុំចង់បង្ហាញឲ្យភ្ញៀវទេសចរបានឃើញថា គូស្នេហ៍នឹងមានការសោកស្ដាយដែលមិនបានឃើញពីគុណតម្លៃ និងសោកស្តាយដែលបានបោះបង់ខ្ញុំចោល» ៕
ចែករំលែកព័តមាននេះ