រាជធានីភ្នំពេញ ៖ រថយន្តម៉ាកសាំយ៉ុងដឹកពងទាមួយគ្រឿងបានបើកបរក្នុងល្បឿនលឿនស្រាប់តែបែកកង់ក្រោយ បណ្តាលឲ្យក្រឡាប់ធ្លាក់ផ្លូវ តែសំណាងល្អមិនបណ្តាលឲ្យមនុស្សរងរបួសឡើយ ។ គ្រោះថ្នាក់ចរាចរណ៍នេះបានកើតឡើង កាលពីវេលាម៉ោង១២និង៣០នាទីថ្ងៃត្រង់ ទី១៤ ខែវិច្ឆិកា…
រាជធានីភ្នំពេញ ៖ រថយន្តម៉ាកសាំយ៉ុងដឹកពងទាមួយគ្រឿងបានបើកបរក្នុងល្បឿនលឿនស្រាប់តែបែកកង់ក្រោយ បណ្តាលឲ្យក្រឡាប់ធ្លាក់ផ្លូវ តែសំណាងល្អមិនបណ្តាលឲ្យមនុស្សរងរបួសឡើយ ។
គ្រោះថ្នាក់ចរាចរណ៍នេះបានកើតឡើង កាលពីវេលាម៉ោង១២និង៣០នាទីថ្ងៃត្រង់ ទី១៤ ខែវិច្ឆិកា ឆ្នាំ២០១៨ ស្ថិតនៅតាមផ្លូវជាតិលេខ៥ មុខអធិការដ្ឋានខណ្ឌព្រែកព្នៅ ភូមិសំរោង សង្កាត់សំរោង ខណ្ឌព្រែកព្នៅ ។ រថយន្តដែលក្រឡាប់ម៉ាកសាំយ៉ុង ពណ៌ត្រីឆ្លូញ ពាក់ស្លាកលេខ កំពង់ឆ្នាំង 2B-4219 បើកបរដោយបុរសម្នាក់មិនស្គាល់ឈ្មោះឡើយ ។
តាមព័ត៌មានបានឲ្យដឹងថា មុនពេលកើតហេតុឃើញរថយន្តបើកបរតាមផ្លូវជាតិលេខ៥ ក្នុងទិសដីពីជើងទៅត្បូងល្បឿនលឿនដោយដឹកពងទាពីខេត្តកំពង់ឆ្នាំង ទៅដាក់ឲ្យម៉ូយនៅម្តុំផ្សារដើមគរ ។ ខណៈពេលបើកដល់ចំណុចកើតហេតុ ស្រាប់តែរថយន្តបែកកង់ក្រោយ បណ្តាលឲ្យទាញចង្កូតមកស្តាំដៃធ្លាក់ផ្លូវក្រឡាប់តែម្តង ។
ភ្លាមៗនោះគេឃើញអ្នកបើកបរបានលូនចេញដោយពុំមានរងរបួសឡើយ ។ គ្រោះថ្នាក់នោះបណ្តាលឲ្យរថយន្ត និងពងទារងការខូចខាតធ្ងន់ធ្ងរ ។ បន្ទាប់ពីកើតហេតុម្ចាស់ក៏បានហៅរថយន្តមកសាងពង់ទា ហើយនគរបាលក៏បានហៅរថយន្តមកស្ទួចយកទៅទុកនៅអធិការដ្ឋានដើម្បីរង់ចាំការដោះស្រាយព្រោះ រថយន្តបង្កក្រឡាប់ប៉ះបង្គោលបេតុងសាធារណៈនៅតាមចិញ្ចើមរងការខូចខាតអស់២ដើម ៕
ចែករំលែកព័តមាននេះ