បញ្ហាគ្រឿងញៀ.នកំពុងកក្រើកយ៉ាងខ្លាំង ធ្វើឱ្យពលរដ្ឋមានការភ័យខ្លាច
- តាកែវ
ខេត្តតាកែវ ៖ ពលរដ្ឋជាច្រើនដែលរស់នៅភូមិត្រពាំងយោង ឃុំពារាម ភូមិត្រពាំងត្រយឹង ភូមិសីហា ភូមិបឹងលាច ឃុំចំបក់ស្រុកបាទី ខេត្តតាកែវ បានទទូចហើយទទូចទៀត…
ខេត្តតាកែវ ៖ ពលរដ្ឋជាច្រើនដែលរស់នៅភូមិត្រពាំងយោង ឃុំពារាម ភូមិត្រពាំងត្រយឹង ភូមិសីហា ភូមិបឹងលាច ឃុំចំបក់ស្រុកបាទី ខេត្តតាកែវ បានទទូចហើយទទូចទៀត សុំអោយអាជ្ញាធរមូលដ្ឋានក៏ដូចជាលោកវរសេនីយ៍ ង៉ាន់ សារី អធិការស្រុកបាទី និងលោកវរសេនីយ៍ ម៉េង ម៉ារីដា មេបញ្ជាការកងរាជអាវុធហត្ថស្រុកបាទី មេត្តាជួយបង្ក្រាបករណីគ្រឿងញៀននៅក្នុងមូលដ្ឋានរបស់ពួកគាត់ផង ដោយមួយរយៈនេះ បញ្ហាគ្រឿងញៀនកំពុងកក្រើកយ៉ាងខ្លាំង ដែលធ្វើអោយពួកគាត់រស់នៅក្នុងភាពភ័យខ្លាច។
មិនតែប៉ុណ្ណោះ ពលរដ្ឋខ្លះបាន Comment នៅលើបណ្តាញសង្គមហ្វេសប៊ុកដោយបញ្ចេញមតិថា «បើនៅឃុំត្នោតវិញ និយាយលែងចេញហ្មង សំបូរខាប់ហ្មង» និង«ម្តុំភូមិខ្ញុំក៏មានដែររឿងចឹងៗនោះ» ។ពួកគាត់ Comment បន្ទាប់ពីកម្លាំងអាវុធហត្ថខេត្តតាកែវឃាត់ខ្លួនជនសង្ស័យ ២នាក់ពាក់ព័ន្ធករណីគ្រឿងញៀនកាល ថ្ងៃទី១១ ខែវិច្ឆិកា ឆ្នាំ២០១៨នោះ។
ពាក់ព័ន្ធបញ្ហាខាងលើនេះដែរ លោក ភួន ឈីម អភិបាលស្រុកបាទីបានមានប្រសាសន៍ថា លោកតែងតែលើកឡើងជារឿយៗក្នុងកិច្ចប្រជុំគណៈបញ្ជាការឯកភាពស្រុកជាមួយកងកម្លាំងអោយធ្វើការបង្ក្រាបដូចភ្លៀងរលឹម និងជាពិសេសគឺអោយប៉ុស្តិ៍រដ្ឋបាលចុះធ្វើការណែនាំ និងចូលរួមបង្ក្រាបជាមួយកម្លាំងស្រុកផងដែរ។
ពលរដ្ឋសង្ឃឹមថា សមត្ថកិច្ចនឹងសហការគ្នាធ្វើការបង្ក្រាបអោយមានប្រសិទ្ធភាព ដើម្បីធ្វើអោយភូមិឃុំមានសុវត្ថិភាពល្អ៕
ចែករំលែកព័តមាននេះ