ប្រទេសកូរ៉េខាងជើង ៖ យោងតាមរបាយការណ៍មួយចេញផ្សាយកាលពីថ្ងៃទី១២ វិច្ឆិកាថា កូរ៉េខាងជើងបានលាក់ទីតាំងមីស៊ីលបាលីស្ទិកចល័ត មានសមត្ថភាពនុយក្លេអ៊ែរយ៉ាងតិច១៣កន្លែង។ ចាប់តាំងពីការជួបគ្នាកំពូលរវាងប្រធានាធិបតីអាមេរិក លោកដូណាល់ ត្រាំ និងមេដឹកនាំកូរ៉េខាងជើងលោកគីមជុង…
ប្រទេសកូរ៉េខាងជើង ៖ យោងតាមរបាយការណ៍មួយចេញផ្សាយកាលពីថ្ងៃទី១២ វិច្ឆិកាថា កូរ៉េខាងជើងបានលាក់ទីតាំងមីស៊ីលបាលីស្ទិកចល័ត មានសមត្ថភាពនុយក្លេអ៊ែរយ៉ាងតិច១៣កន្លែង។
ចាប់តាំងពីការជួបគ្នាកំពូលរវាងប្រធានាធិបតីអាមេរិក លោកដូណាល់ ត្រាំ និងមេដឹកនាំកូរ៉េខាងជើងលោកគីមជុង អ៊ុន នៅសិង្ហបុរីមក កូរ៉េខាងជើងបានបោះបង់ចោល ការសាកល្បងមីស៊ីលបាលីស្ទិក និងនុយក្លេអ៊ែរ បំផ្លាញចោលបណ្ដាទីតាំងសាកល្បងមីស៊ីល ហើយសន្យាប្រសិនបើសហរដ្ឋអាមេរិកព្រមធ្វើសម្បទាននានា កម្ទេចចោលប្លុកនុយក្លេអ៊ែរសំខាន់របស់ខ្លួន។ ប៉ុន្តែពួកអ្នកស្រាវជ្រាវនៃមជ្ឈមណ្ឌលសិក្សាយុទ្ធសាស្ត្រ និងអន្តរជាតិ CSIS អះអាងថា បានស្រាវជ្រាវឃើញទីតាំងមីស៊ីលមិនប្រកាស១៣កន្លែង ហើយអាចមានដល់២០កន្លែងផង។
ទោះបីយ៉ាងណាពួកអ្នកវិភាគក៏ដូចជាក្រុងសេអ៊ូលបាននិយាយសម្រាលការលើកឡើងនោះ ដោយគូសបញ្ជាក់ថា ទីតាំងទាំងនោះតាមពិតទៅគេដឹងចាប់តាំងពីច្រើនឆ្នាំមកហើយ និងថាក្រុងព្យុងយ៉ាងពុំដែលនិយាយពីការកម្ទេចចោលទីតាំងទាំងនោះឡើយ។
វិមានប្រធានាធិបតីកូរ៉េខាងត្បូងថ្លែងថា ភ្នាក់ងារស៊ើបការណ៍កូរ៉េខាងត្បូងនិងអាមេរិក បានដឹងរួចទៅហើយ បណ្ដាព័ត៌មានដែលនិយាយក្នុងរបាយការណ៍នោះ រួចក្នុងចំណោមទីតាំងទាំងនេះ ដូចជាទីតាំងSAKKANMOLជាដើម ពុំទាក់ទិននឹងមីស៊ីលរំលងទ្វីបICBMឡើយ៕
ចែករំលែកព័តមាននេះ