សារាណីយធម៌ជាគោលធម៌សម្រាប់ការរស់នៅរួមគ្នាឱ្យមានភាពមូលមិត្តគ្នា នឹករលឹកគិតរកគ្នាមិនដាច់ និងជាគោលធម៌សម្រាប់សម្របសម្រួលមូលមតិជាធ្លុងមួយជួយឱ្យបានសុខយូរអង្វែង។ គុណធម៌នេះមាន៦យ៉ាងគឺៈ
1-ការងារដែលធ្វើដោយកាយប្រកបដោយមេត្តាគឺការសម្តែងកិរិយាសុភាពរាបសា គោរពរាប់អានគ្នាដោយទឹកមុខញញឹមរាក់ទាក់ ។
2-ជួយចង្អុល ជួយប្រាប់នូវអ្វីដែលជាប្រយោជន៍ ដាស់តឿនក្រើនរំលឹកដោយបំណងល្អ សម្តីសុភាពរាបសា សម្តែងសេចក្តីគោរពរាប់អានគ្នាពោលវាចាទន់ភ្លន់។
3-តាំងចិត្តគិតល្អ គឺគិតអ្វីដែលជាប្រយោជន៍ដល់គ្នាទៅវិញទៅមក នឹកគិតរកគ្នាដោយសុទិដ្ឋិនិយម គិតក្នុងគោលបំណងរកវិធីសាស្ត្រល្អៗក្នុងនាមជាមនុស្សរស់នៅរួមគ្នា។
4-កាលបើបាននូវវត្ថុណាមួយដោយអំពើសុចរិត ទោះតិចតួចក្តីក៏យកមកចែករំលែកឱ្យគ្នាបរិភោគតាមលទ្ធភាពពោលគឺមិនហួងហែងលាក់ទុកតែម្នាក់ឯងឡើយ។
5-ប្រព្រឹត្តសុចរិតត្រឹមត្រូវ គោរពច្បាប់ គោរពវិន័យស្មើគ្នាតាមនាទីដែលមាន គោរពសិទ្ធិសេរីភាពគ្នាទៅវិញទៅមក។
6-មានការឯកភាពគ្នាដែលជាគោលការណ៍ដ៏សំខាន់ មានឆន្ទៈនិងឧត្តមគតិឆ្ពោះទៅរកសេចក្តីសុខ ។
ក្រុម ឬសហគមន៍ណាមានគុណធម៌ទាំង៦ចំណុចនេះនឹងបានសុខជារៀងដរាបទៅ ។
ចែករំលែកព័តមាននេះ