រាជធានីភ្នំពេញ ៖ ក្រុមអន្ដរាគមន៍បង្ក្រាបបទល្មើសសត្វព្រៃចល័តនៃរដ្ឋបាលព្រៃឈើកាល
ពីរសៀលថ្ងៃ១២ ខែវិច្ឆិកា សហការជាមួយកងរាជអាវុធហត្ថលើផ្ទៃប្រទេស ក្រោមការសម្រប
សម្រួលពីតំណាងអយ្យការអមសាលាដំបូងរាជធានីភ្នំពេញ បានចុះឆែកឆេរទីតាំងលក់គ្រឿងចម្លាក់មួយកន្លែងនៅក្នុងសង្កាត់ច្បារអំពៅ២ ខណ្ឌច្បារអំពៅ ។
ទីតាំងដែលសមត្ថកិច្ចចុះពិនិត្យនិងឆែកឆេរនេះមានយីហោ«ចឹក ម៉េង លក់និងឆ្លាក់វត្ថុស័ក្ដិសិទ្ធិ» មានម្ចាស់ឈ្មោះ ម៉ុក ទិព្វរាសី ភេទស្រី អាយុ២២ឆ្នាំ ទីលំនៅផ្ទះលេខ១៦៦ ផ្លូវលេខ៣៦៩ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ ។
នៅក្នុងការឆែកឆេរនេះ សមត្ថកិច្ចបានរកឃើញវត្ថុតាងបទល្មើសជាសំណាកសត្វព្រៃរួមមាន សំណាកភ្លុកដំរី សំណាកភ្លុកដំរីកែច្នៃ ចែជ្រូកព្រៃ ធ្មេញនិងក្រចកខ្លាឃ្មុំ ចុងស្នែងប្រើសជើងឈ្លូសក្រៀម នប់ប្រើស ស្នែងកែះ និងសម្ភារផ្សេងៗមួយទៀត ។
ដោយសារវត្ថុតាងបទល្មើសសំណាកសត្វព្រៃទាំងអស់ ដែលយកមកធ្វើសន្និធិពុំមានលិខិតអនុ
ញ្ញាតពីរដ្ឋបាលព្រៃឈើ ក្រុមមន្ត្រីក៏បានសម្រេចដកហូតសំណាកសត្វព្រៃទាំងអស់នោះជាបណ្ដោះអាសន្ន ដើម្បីកសាងសំណុំរឿងតាមនីតិវិធី ៕
ចែករំលែកព័តមាននេះ