ភ្លាមៗផងដែរក្នុង១ថ្ងៃអភិបាលខេត្តប្រកាសអភិបាលក្រុង-ស្រុកចំនួន២នាក់
- សៀមរាប
ខេត្តសៀមរាប ៖ លោកបណ្ឌិត ឃឹម ប៊ុនសុង អភិបាលខេត្តសៀមរាបបានថ្លែងនៅក្នុងពិធីចូលកាន់តំណែងថ្មីនាថ្ងៃទី១២ ខែវិច្ឆិកា ឆ្នាំ២០១៨ របស់លោក នួន…
ខេត្តសៀមរាប ៖ លោកបណ្ឌិត ឃឹម ប៊ុនសុង អភិបាលខេត្តសៀមរាបបានថ្លែងនៅក្នុងពិធីចូលកាន់តំណែងថ្មីនាថ្ងៃទី១២ ខែវិច្ឆិកា ឆ្នាំ២០១៨ របស់លោក នួន…
ខេត្តសៀមរាប ៖ លោកបណ្ឌិត ឃឹម ប៊ុនសុង អភិបាលខេត្តសៀមរាបបានថ្លែងនៅក្នុងពិធីចូលកាន់តំណែងថ្មីនាថ្ងៃទី១២ ខែវិច្ឆិកា ឆ្នាំ២០១៨ របស់លោក នួន ពុទ្ធារ៉ា អតីតនាយករដ្ឋបាលសាលាខេត្តសៀមរាប ត្រូវបានផ្លាស់ប្តូរមកជាអភិបាលក្រុងសៀមរាបជំនួសលោក សូ ប្លាតុង ដែលជាអតីតអភិបាលក្រុងសៀមរាបទៅទទួលមុខតំណែងថ្មីជំនួសលោក ម៉ក់ សំភា អតីតអភិបាលស្រុកប្រាសាទបាគង ដែលត្រូវចូលនិវត្តន៍ ។
ក្នុងពិធីនោះដែរលោក នួន ពុទ្ធារ៉ា ឋានន្តរស័ក្តិវរមន្ត្រីថ្នាក់លេខ១ នាយករដ្ឋបាលសាលាខេត្តសៀមរាបត្រូវបានប្រកាសចូលកាន់តំណែងថ្មីជាអភិបាលនៃគណអភិបាលក្រុងសៀមរាប ខណៈពេលដែលលោក សូ ប្លាតុង ឋានន្តរស័ក្តិវរមន្ត្រីថ្នាក់លេខ១ត្រូវផ្ទេរភារកិច្ចពីអភិបាលក្រុងសៀមរាបទៅទទួលមុខតំណែងថ្មីជាអភិបាលនៃគណអភិបាលស្រុកប្រាសាទបាគង ដោយសារតែលោក ម៉ក់ សំភា ដែលជាអភិបាលស្រុកប្រាសាទបាគងមុននោះត្រូវបានចូលនិវត្តន៍ ។ មានប្រសាសន៍ក្នុងឱកាសនោះដែរលោកបណ្ឌិត ឃឹម ប៊ុនសុង អភិបាលខេត្តសៀមរាបបានថ្លែងនៅក្នុងពិធីចូលកាន់តំណែងថ្មីរបស់លោក នួន ពុទ្ធារ៉ា ជាអភិបាលក្រុងសៀមរាបក្រោយពេលដែលបានប្រកាសផ្ទេរភារកិច្ចថ្មីរបស់លោក សូ ប្លាតុង ជាអភិបាលស្រុកប្រាសាទបាគងនោះលោកបណ្ឌិតបានបញ្ជាក់ថា ការផ្លាស់ប្តូរភារកិច្ចចូលកាន់មុខតំណែងថ្មីរបស់មន្ត្រីរាជការវាមិនមែនជាព្រឹត្តិការណ៍អ្វីចម្លែកក្នុងវិបត្តិអវិជ្ជមាននោះទេ ។
លោកបណ្ឌិត បញ្ជាក់ទៀតថា ការរៀបចំតែងតាំងមន្ត្រីរាជការក្នុងអាណត្តិមន្ត្រីនោះត្រូវបានកាន់តំណែងមុនចូលនិវត្តន៍ចំនួន២អាណត្តិក្នុង១អាណត្តិមានរយៈពេល៤ឆ្នាំ ។ ក្នុងករណី មន្ត្រីរាជការក្នុងអាណត្តិដែលបង្កបញ្ហា ឬមានកំហុសមិនត្រូវបានរក្សាតំណែង បន្តអាណត្តិ ឬផ្ទេរភារកិច្ចនោះឡើយ គឺនឹងត្រូវដកហូតតំណែង ឬក៏បញ្ឈប់ការងារ ។ លោកបណ្ឌិត ឃឹម ប៊ុនសុង បានបញ្ជាក់បន្ថែមទៀតថា ការបន្តអាណត្តិការផ្លាស់ប្តូរភារកិច្ចមន្ត្រីរាជការក្នុងតំណែងគឺជាតួនាទីដ៏សំខាន់សម្រាប់គោលដៅពង្រឹងភារកិច្ចរបស់រដ្ឋបាលថ្នាក់ក្រោមជាតិដោយស្មារតីទទួលខុសត្រូវខ្ពស់ ។
លោកបណ្ឌិតបានជម្រុញឲ្យលោកអភិបាលក្រុងសៀមរាបដែលទើបចូលកាន់តំណែងថ្មីត្រូវតែ បន្តការអភិវឌ្ឍក្រុងប្រកបដោយចីរភាពឆ្លើយតបទៅនឹងកំណើនប្រជាពលរដ្ឋកំណើនភ្ញៀវទេសចរដែលទាំងនោះ គឺផ្តោតទៅលើបញ្ហាសន្តិសុខសណ្តាប់សាធារណៈបរិស្ថានអនាម័យនិងសោភ័ណភាព ។
លោកបណ្ឌតិក៏បានផ្តល់អានុសាសន៍ផងដែរសម្រាប់លោកអភិបាលស្រុកប្រាសាទបាគងដែលទើបចូលកាន់តំណែងថ្មីត្រូវត្រៀមលក្ខណៈឲ្យបានគ្រប់ជ្រុងជ្រោយ សម្រាប់ការបន្តអភិវឌ្ឍមូលដ្ឋានប្រកបដោយនិរន្តភាពទាំងនោះ គឺផ្តោតសំខាន់ទៅលើការរៀបចំប្លង់មេ ប្រើប្រាស់ដីធ្លីដោយសារតែបច្ចុប្បន្នការរីកចម្រើនរបស់ក្រុងសៀមរាបនឹងអាចពង្រីកចូលដល់ដែនភូមិសាស្ត្រនៃស្រុកប្រាសាទបាគងក្នុងអនាគតដ៏ខ្លីខាងមុខនេះ ៕
ចែករំលែកព័តមាននេះ